अातिश मिस्रा
जनकपुरधाम, फागुन २१ । मुख्यमन्त्री लालबाबु राउतले सभा गोष्ठी गरेर लैङ्गिक हिंसाको अन्त सम्भव नरहेको बताउनु भएको छ ।
सहज परियोजनाद्वारा आज जनकपुरमा आयोजित समग्र लैंगिक उत्तरदायी तथा जवाफदेही न्यायमा पहुँच सुदृढिकरण सम्बन्धमा प्रदेश स्तरीय कार्यशाला गोष्ठीलाई सम्बोधन गर्नु हुँदै मुख्यमन्त्री राउतले लैगिक हिंसा अन्तको लागि सभा गोष्ठी भन्दा सतहमा गएर काम गर्नु पर्ने बताउनु भयो ।
लैंगिक हिंसाको मुख्य कारक नै अशिक्षा रहेको उल्लेख गर्नु हुँदै मुख्यमन्त्री राउतले आयोजक संस्थालाई सचेतना मुलक कार्यक्रमका साथै शिक्षामा समेत लगानी गर्न सुझाव दिनु भयो ।
समाजिक कुरितिहरु जकडिएको हाम्रो समाजमा लैगिक हिंसाबाट जोगाउन शिक्षा एक मात्र अस्त्र रहेको उहाँको कथन थियो ।
प्रदेश सरकारले लैगिंक हिंसा अन्तका लागि छोरीहरुले सानै देखी बलियो बनाउदै लैजाने योजना अनुरुप बेटी पढाउ, बेटी बचाउ कार्यक्रमका साथै, सरकारी सेवामा ५० प्रतिशत आरक्षणको ज्ञारेन्टी गरेको उल्लेख गर्नु हुँदै मुख्यमन्त्री राउतले प्रहरी सेवामा महिलाहरुको उपस्थिति लैंगिक हिंसा अन्तमा कोशे ढुंगा सावित हुने विश्वास समेत व्यक्त गर्नु भयो ।
सहज परियोजनाका कन्ट्रि डाइरेक्टर जय शंकर लालको अध्यक्षतामा भएको उक्त कार्यक्रमको उद्घाटन सत्रमा मुख्यन्यायधिवक्ता दिपेन्द्र झाले लैंगिक हिंसा अन्तका लागि प्रदेश सरकारले चालेको कदमहरु बारे जानकारी गराउनु भएको थियो ।
