जनकपुरधाम : विगत केही दिनदेखि तराई–मधेसमा घट्दै गएको तापक्रम र शीतलहरलाई मध्यनजर गर्दै नेपाल तरुण दल धनुषाले धनुषाको सबैला नगरपालिकास्थित दलित बस्तीमा कम्बल वितरण गरेको छ ।
काठमाडौंकी सृष्टि राणा र मुरारी शिवाकोटीको सहयोगमा नेपाल तरुण दल धनुषाद्वारा सबैला नगरपालिका वडा नं. १२ उत्तिमपुरको दलित बस्तीका ४५ घर परिवारमा कम्बल बितरण गरिएको संस्थाका उपाध्यक्ष राकेश बिक्रम साहले बताए ।
कार्यक्रममा बोल्दै नेपाली कांग्रेसका केन्द्रिय सदस्य आनन्द प्रसाद ढुंगानाले सहयोगीहरुलाई धन्यवाद दिँदै आगामी दिनहरुमा पनी यस्ता कार्यक्रम जारी राख्न आग्रह गरे । उनले युवाहरु अगाडी आएर नेतृत्व लिन थालेको देखेर खुशी समेत व्यक्ति गर्दै आजको युवा पिठिले यसरी नै नेतृत्व लिएर समाजको लागी कार्य गर्न थाले समाजमा रहेको समस्याहरू अन्त्य भएर जाने विश्वास व्यक्त गरे ।
नेपाल तरुण दल धनुषाका अध्यक्ष संजय लाभ कर्णको अध्यक्षतामा एवं कपडा भण्डार जनकपुर–६ को समन्वयमा शुक्रबार आयोजित कम्बल वितरण कार्यक्रममा सबैला नगरपालिकाका मेयर विजय शंकर साह, नेपाली कांग्रेसका नेता भोला पंजियार,जितनारायण यादव,कोषाध्यक्ष अन्जनी झा, शुभाष झा, महेश साह, रुद्रनारायण साह सहित दर्जनौं नेता कार्यकर्ताहरुको उपस्थिति रहेको थियो । #द नेपाल टप
