रामचन्द्रको असामयिक निधनप्रति जनमतद्धारा श्रद्धाञ्जली सहित दिप प्रज्वलन गरियो

रेडियो स्वागतम
महेन्द्रनगर, मंसिर ३

अल्पआयुमै ज्यान गुमाएका धनुषाको मिथिला नगरपालिका वडा नं. २ नक्टाझिजका युवा रामचन्द्र महतोको असामयिक निधनप्रति जनमत पार्टीले शोक व्यक्त गर्दै श्रद्धाञ्जली अर्पण गरेको छ । जनमत पार्टीले युवा महतोको असामयिक निधनप्रति शोक व्यक्त गर्दै ढल्केवरको पार्कमा दिप प्रज्वलन गर्दै श्रद्धाञ्जली अर्पण गरेको छ ।
जनमत पार्टीको मिथिला नगरपालिका वडा न. २ नक्टाझिजका वार्ड सचिव समेत रहेको स्वर्गीय रामचन्द्र महतोप्रति ढल्केवरमा दिप प्रज्वल गर्दै श्रद्धाञ्जली अर्पण गरिएको जनमत पार्टी मिथिला नगरपालिका वडा नं. २ का अध्यक्ष पुण्यदिप लाल महतोले जानकारी दिएका छन् ।
सो कार्यक्रममा सहभागी जनमत पार्टीका जिल्ला अध्यक्ष ओमविक्रम कुशवाहाले आफ्ना पार्टीका स्वराजी महतोलाई मृत्युको बाटो रोज्न विवश पार्ने दोषीलाई कानुनी दायरमा ल्याएर कारवाहीको माग गरेका थिए । स्वर्गीय महतोको आत्माको चिर शान्तिका लागि कामना गर्दै दिप प्रज्वलन गर्दै श्रद्धाञ्जली अर्पण गरेको छ ।
सो कार्यक्रममा जनमत पार्टीका जिल्ला, पालिका र वडा स्तरका नेता कार्यकर्ताहरुको उपस्थिति रहेको जनाएको छ ।
यता हिमालय युवा क्लव नक्टाझिजले शनिवार विहान महतोको असामयिक निधनप्रति दुःख व्यक्त गर्दै शोकसभा तथा श्रद्धाञ्जली अर्पण गर्ने कार्यक्रम राखेको छ । मृत्तक रामचन्द्र महतो हिमालय युवा क्लवका सदस्य, हिमालय बहुउद्देश्य सहकारी संस्थाका संचालक समितिको सचिव तथा खानेपानी उपभोक्ता समिति नक्टाझिजका सचिव समेत रहेका थिए । क्लवले एक होनार युवा गुमाएको बताउँदै क्लवका अध्यक्ष अरुण कुमार महतोले शनिवार विहान ८ बजे क्लवकै प्राङणमा शोकसभा तथा श्रद्धाञ्जली अर्पण कार्यक्रम राखिएको जानकारी दिएका छन् ।
सो कार्यक्रम क्लव, सहकारी, खानेपानीका पदाधिकारीका सम्पूर्ण पदाधिकारी, शुभेच्छुक, स्थानीयबासी लगायत सबैमा उपस्थितिको लागि अनुरोध गरेको क्लवले जनाएको छ ।
२६ वर्षीय महतोको गत कार्तिक ३० गते विहान असामयिक निधन भएको थियो ।