महाेतरीकाे अाैरही नगरपालिका भ्रष्टाचारमा चुर्लुम डुबेको आरोप लगाउँदै स्थानीय आन्दोलित भएका छन्।नगरपालिका भ्रष्टाचारको अखडा बनेको भन्दै स्थानीयहरु आन्दोलनमा उत्रिएका हुन्। भ्रष्टाचारविरुद्ध संयुक्त संघर्ष समिति गठन गरेर केहिदिनदेखि उनीहरु भ्रष्टाचारविरुद्ध जागरण अभियान नै चलाएका छन्।जागरण अभियान अन्तर्गत संघर्ष समितिले दाेस्राे चरका आन्दाेलन आन्तरगत रिले अनशन शुरु गरेका छन । हिजाे ११गते देखि रिले अनशन शुरु गरेको छ। रिले अनशन ७ दिनसम्म चलिने जसपा नेता राज नारायणा यादवले जनाएका छन ।सात दिने रिले अनसन पछि पनि सुचना दिएन भन्ने सश्कत रुपमा अगाडि बडिने बताए । उनीहरु भ्रष्टचारविरुद्ध नगरपालिकाकै मुख्य प्रवेशद्वारमै रहेकाे चाैतारामा दुई दिनदेखि रिले अनशनमा बस्दै आएका छन्।भ्रष्टाचारविरुद्ध संयुक्त संघर्ष समितिका संयोजकसमेत रहेका लाेसपा नेता शंकर यादवले सूचनाको हक प्रयोग गर्दै विभिन्न १५ शीर्षकमा नगरपालिकासंग सूचना मागेका थिए। तर नगरपालिकाले महिनौंदिन वित्दा पनि सूचना दिन मानेन।सूचना दिनुको साटो जनप्रतिनिधि र कर्मचारीहरु उल्टै धाँधली गरेपछि बाध्य भएर आफूहरु आन्दोलनमा उत्रिएको संघर्ष समितिका संयोजक यादवले बताए।
संघर्ष सतितिले बितग बर्षकाे अाय व्यय शीर्षकअनुसार सार्बजनिक गर,मेयर उप मेयर र अधिकृतले प्रयाेग गरेकाे गाडीकाे अवस्था सार्वजनिक गर,किसानहरुकाे सहुलियतकाे मलखाध तुरुन्त उपलब्ध गर,एम्बुलेन्स र दमकल सेवा तुरुन्त पूरा गर ,प्रधानमन्त्री युवास्वराेजगार काेषकाे रकम हिनामिना गर्नेलाइ कारबाहि गर र न्यायिक समिति तुरन्त कार्यान्वयन गर लगायतका अन्य माँग रहेका छन ।
नगरपालिकामा नगरप्रमुख सुनिल कुमार यादवले विभिन्न शीर्षकमा करोडौं रुपैयाँ अनियमितता भएको उनको आरोप छ। विभिन्न बहानामा नक्कली कागजात बनाएर बजेट निकासा गरी करोड रुपैयाँ जनप्रतिनिधि र कर्मचारीहरुले बाँडेर खाएको यादवले आरोप लगाए। काेराेना महामारीकाे नाउँमा जनतालाइ कुनै सुविधा न दिई कराेडाै रकम हजम गरेकाेरिले अनशनमा बसेका छौं। मेयर साहब र अधिकृत दुबै हाम्रो अगडिबाटै जानुहुन्छ तर हामीलाई केही सम्बोधन गर्नुभएको छैन,’ आक्रोशित हुँदै यादवले भने ‘हरहिसाब पार्दर्शी नभएसम्म हाम्रो आन्दोलन जारी रहन्छ।’यीनै विषयहरुसहित विभिन्न शीर्षकमा आवश्यक अनुसन्धान र कारबाहीका लागि संघर्ष समितिका तर्फबाट संयोजक शंकर यादवले अख्तियार दुरुपयोग अनुसन्धान आयोगको क्षेत्रिय कार्यालय बर्दिवास महोत्तरीमा उजुरी गरेको छ।तर अख्तियारले पनि आफूहरुको उजुरीमाथि अहिलेसम्म कुनै कामकारबाही सुरु नगरेको यादवले गुनासो गरे। अब केही दिनमै सर्वदलिय बैठक बसेर भ्र-ष्टा-चारविरुद्ध थप शसक्त भएर अघि बढ्ने संयोजक यादवको भनाइ छ।नगरपालिकाको सूचना सम्पूर्ण नगरवासीले पाउनुपर्ने अधिकार रहेकोले वेबसाइटमार्फत नै सूचना उपलब्ध गराउने तयारी रहेको नगरपालिकाका सूचना अधिकारी बताउँछन्।सूचनाको हक सबैलाई छ।यता नगरपालिकाकी उपमेयर रेणु देवी झाले आनदोलनरत पक्षको माग जायज रहेको बताइन्। नगरपालिकाको हरहिसाब खोज्नु सबै नगरबासीको हकअधिकार रहेको उनी बताउँछिन्। ‘हरहिसाब पार्दर्शी हुनुपर्छ। नगरबासी जो कोहीले मागेको सूचना दिनुपर्छ।अब नगरप्रमुख र कार्यालय प्रमुखले किन त्यो सूचना दिनखोज्नु भएन त्यो उहाँहरुलाई थाहा होला,’ उपमेयर भन्छिन् ‘मलाई जहाँसम्म लाग्छ हरहिसाबमा ठूलो घोटाला भएको छ। त्यसैले हरहिसाब दिन डराउँदैछ।’ नगरपालिकाको अवस्था अस्तव्यस्त रहेको उनले सुनाइन्।यता नगरपालिकाका मेयर सुनिल कुमार यादवले पत्रकार समेलन गराएर आफूमाथि लगाइएको भ्र-ष्टा-चारको आरोप निराधार रहेको बताए। आफूले नगरपालिकाको कुनै पनि शीर्षकमा अनियमितता नगरेको उनले जिकिर गरे।आन्दोलनरत पक्षले सुरु गरेको रिले अनशनको औचित्य नरहेको मेयर साहको भनाइ छ। आन्दोलनरत पक्षसँग वार्ताको माध्यमबाट निराकरण गर्नेतर्फ आफ्नो प्रयास रहने उनले बताए।
