सरकारविरुद्ध महाेतरीकाे जलेश्वरमा समाजवादी विद्यार्थी युनियन र समाजवादी युवा संघले गरे प्रदर्शन

नागेन्द्र कुमार यादव
प्रतिक्षाखबर
जलेश्वर, मंसिर २गते ।
सरकारविरुद्ध समाजवादी विद्यार्थी युनियन र समाजवादी युवासंघले जलेश्वरमा प्रदर्शन गरेको छ । दुबै संगठनले देशव्यापी प्रदर्शन गर्ने निर्णय गरेको अनुसार बिहीवार महाेतरीकाे सदरमुकायम जलेश्वरमा पनि प्रदर्शन गरेको हो ।
समाजवादी विद्यार्थी युनियन र समाजवादी युवा संघले गरेको देशव्यापी निर्णय अनुसार आज जलेश्वरसहित देशका विभिन्न शहरहरुमा समाजवादी विद्यार्थी युनियन र समाजवादी युवा संघले हजारौंको संख्यामा प्रदर्शन गरेका छन् ।
उखु किसानहरुमाथि गरिदै अाएका दुर्व्यवहार, कोरोना नियन्त्रणमा सरकारको असफलता, भ्रष्टाचार, स‌ंवैधानिक अंगलाई कमजोर बनाउने काम भएको र किसानहरुसंग गरेकाे ५बुंदे मांग पूरा नगरेकाे भन्दै आज देशभरी एकैदिन विरोध प्रदर्शन समाजवादी विद्यार्थी युनियनका प्रदेश २काे उपाध्यक्ष सत्रुधन यादवले जनाएको छ ।
‘अति भो अति भो, मुलुककै छवि क्षति भो, औषधि छैन मल छैन, सत्ताको लडाई लाज छैन’ प्रधान मन्त्री मुर्दावाद,किसानहरुकाे ५बुंदे मांग पूरा गर,प्रधानमन्त्री राजिनामा दे भन्ने लगायतका मुल नाराका साथ प्रदर्शन भएको छ ।
समाजवादी विद्यार्थी युनियन र समाजवादी युवा संघका विभिन्न नेताहरुलेकार्यक्रमलाई सम्बोधन गरेका थिए।