हत्या आरोपी दश वर्षपछि पक्राउ

सिरहा
२०७७ भदौ ३
प्रहरीले हत्याकाे घटनामा संलग्न रहेका एकजनालाई दश वर्षपछि पक्राउ गरेको छ ।
पक्राउ पर्नेमा सिराहाको मिर्चैया नगरपालिका– ९ का ३० वर्षीय लालकुमार साह रहेको जिल्ला प्रहरी कार्यालयले जनाएको छ ।
जिल्ला प्रहरी प्रवक्ता विनोद घिमिरेले हत्या गरी फरार रहेका साहलाई पक्राउ गरी अनुसन्धान भइरहेको जनाए ।
साहलाई सादा पोसाकमा खटिएको टोलीले धनुषाको जनकपुरधाम उपमहानगरपालिका– १ वकिल टोलबाट पक्राउ गरेको हो ।
हत्या आरोपी साहलाई इलाका प्रहरी कार्यालय मिर्चैयामा राखेर थप अनुसन्धान गरिरहेको प्रहरीले जनाएको छ ।
साहमाथि ११ असार ०६७ मा मिर्चैया नगरपालिका– ५ का २२ वर्षीय वीरेन्द्रकुमार यादवलाई गोली हानेर हत्या गरी फरार भएको आरोप छ ।