प्रतीक्षा खबर
रामगाेपालपुर, वैशाख १५ गते ।
विश्वभर तिब्र रुपमा फैलिएको कोरोना भाइरसबाट छिमेकी मुलुक भारतमा ८ सय ८५ जनाको ज्यान गएको छ भने संक्रमितको संख्या २७ हजार ८ सय ९० पुगेको छ ।
पछिल्लो एक सातामा मात्रै ३ सय २१ जनाको मृत्यु भएको छ । आइतबार एकै दिनमा ५८ जनाले कोरोनाबाट ज्यान गुमाएका छन् । शनिबार ४५, शुक्रबार ५७, बिहीबार ४०, बुधबार ३५, मंगलबार ५३ र सोमबार ३३ जनाको मृत्यु भएको छ ।
दैनिक भास्करले उल्लेख गरेअनुसार कोरोनाबाट आइतबार महाराष्ट्रमा मात्रै १९ जनाको मृत्यु भएको छ भने गुजरातमा १८ जनाले ज्यान गुमाएका छन् ।
भारतमा कोरोनाबाट ज्यान गुमाएकामध्ये सबैभन्दा धेरै महाराष्ट्रमा रहेका छन् । जहाँ ३४२ जनाको मृत्यु भएको छ । महाराष्ट्रको मुम्वईमा मात्रै २०४ जनाको मृत्यु भएको छ ।
यस्तै गुजरातमा १५५, मध्यप्रदेशमा १०३, दिल्लीमा ५४, राजस्थानमा ४१, आन्ध्र प्रदेशमा ३१, उत्तर प्रदेशमा ३०, तेलंगानामा २६, तमिलनाडुमा २४ जनाको मृत्यु भएको छ ।
पश्चिम बंगाल २०, कर्नाटक १९, पंजाव १८, जम्मू कास्मिर ७, हरियाणा ५, केरला ३, झारखण्ड ३, बिहार २, हिमाञ्चल २, आसाम १, मेघालय १, ओडिसा १ र पुडुचेरी १ जनाको कोरोनाबाट मृत्यु भएको छ ।
