नागेन्द्र कुमार यादव
प्रतीक्षा खबर
रामगाेपालपुर, चैत २४ गते ।
जिल्ला प्रशासन महोत्तरीले लकडाउनको समयमा सञ्चालन हुँदै आएको हाटबजार मंगलबारदेखि बन्द हुने निर्णय गरेको छ ।
प्रशासनले सूचना जारी गर्दै लकडाउनको समयमा हाटबजार लागेपछि भीडभाड व्यवस्थापन गर्न यस्तो निर्णय गरेको हो ।
जिल्ला प्रशासन कार्यालय महोत्तरीका अनुसार तरकारी बिक्री वितरण स्थानीय तह र वाणिज्य संघको समन्वयमा साइकल, ठेलागाडा तथा टेम्पोमार्फत गरिने जनाएको छ ।
अत्यावश्यक काम बाहेक घरबाहिर ननिस्किन आग्रह गर्दै उक्त निर्णयलाई वेवास्ता गरे कानूनी कारबाही गरिने समेत प्रशासनले चेतावनी दिएका छन् ।
