मधेश प्रदेशमा दुई राष्ट्रिय सभा सदस्यका पदका लागि लागि पाँचजनाको उम्मेदवारी दर्ता

मधेश प्रदेशमा रिक्त दुई राष्ट्रिय सभा सदस्यका लागि पाँचजनाले मनोनयन दर्ता गराएका छन् । सत्ता गठबन्धन तर्फबाट नेपाली काँग्रे, जसपाबाट एक–एक जना, प्रमुख प्रतिपक्षी नेकपा एमालेबाट दुईजना र सत्ता गठबन्धमै रहेको जनमतबाट छुट्ै एकजनाले उम्मेदवारी दर्ता भएको हो ।
राष्ट्रिय सभा सदस्यका रिक्त अन्य र महिला समूह तर्फ दुई पदका लागि निर्वाचन हुन लागेको छ । सत्ता गठबन्धन काँग्रेसबाट अन्य तर्फ आनन्द प्रसाद ढुंगाना र महिला तर्फ जसपाकी पूजा चौधरीले मनोनयन दर्ता गराएकी छन् । गठबन्धनबाट मनोनयन दर्ता गराउने ढुंगाना धनुषाका हुन् भने चौधरी रौतहटका छन् ।
एमालेबाट अन्य तर्फ विजेता झा र महिला तर्फ उषा देवी थरुनीले उम्मेदवारी दर्ता गराएकी छन् । मधेश दुई पदका लागि एमालेले दुबैजना महिला उम्मेदवार नै खडा गरेको छ ।
एमालेमा अन्य तर्फ अर्जुन सिंह राजपुतलाई उम्मेदवार बनाउने निर्णय गरेपनि मतदाता नामावलीमा नाम नहुँदा उनको उम्मेदावरी दर्ता भएन । त्यसपछि उनको स्थामा एमालेले विजेता झालाई उम्मेदवार बनाएको हो । उम्मेदवारी दर्ता गराएको झा धनुषाकी हुन् भने थरुनी पर्साकी छन् ।
यस्तै सत्ता गठबन्धन घटक जनमत पार्टीले मधेश प्रदेशमा अन्य समूहमा छुट्टै उम्मेदवारी दर्ता गराएको छ । जनमतबाट रामशंकर महासेठले मनोनयन दर्ता गराएका हुन् ।