सोनमा गाउँपालिका वडा नं २मा कपाली तमसुुक नविकरणको नाममा नियमविपरित रकम असुल्दै

नागेन्द्र साह
सोनमा : महोत्तरीको सोनमामा कपाली तमसुक नविकरणको नाममा नियमविपरीत रुपमा रकम उसुल गर्दै आएको छ । सोनमा गाउँपालिका वडा नं. २ को कार्यालयमा त्यस्ता तमसुक नविकरण गर्नका लागि आउने धनीसँग मनपर्दी रकम असुल्दै आएको छ ।
स्थानिय अरुण कुमार यादवले दिएको जानकारी अनुसार सो तमसुक तयार पार्नका लागि वडा कार्यालय परिसरमा रहेको लेखनदासले प्रतिव्यक्ति तीन सय रुपैयाँका दरले रकम लिदै आएको जनाएको छ । त्यस्तै ऋणी सम्पर्कमा नआउने धनीसँग वडा कार्यालयले पुर्जी काटि सम्पर्कमा ल्याउनका लागि सो रकम विना रसिदको असुल्दै आएको यादवले बताए । त्यस्तै स्थानिय सुधार कुमार यादवका अनुसार वडा कार्यालयमा निवेदन दर्ता गराउने क्रममा वडा सचिवले प्रति फाईल १ हजारका दरले माग गरेको र सो रकम नदिदा आफनो फाईल अझ पनि अलपत्र अवस्थामा रहेको जानकारी दिएका छन् ।
सुधिरले भने, वडाले माग गरेको रकम फाईल भित्र टाँस्ने गर्दछ । आफुसँग पनि सो रकम माग गरिएको र त्यसको रसिद माग गरेपछि आफनो फाईल अलपत्र पारिदिएको छ । यस सम्बन्धमा वडा कार्यालयमा रहेको वडाअध्यक्षसँग विस्तृतमा बुझन खोज्दा उनी सम्पर्कमा आउन चाहेन् ।
गाँउपालिकाको कार्यालयले त्यस्ता कपाली तमसुक नविकरणका लागि २ सय रुपैयाँ निर्धारण गरिएको कुनै पनि शर्तमा थप रकम नदिनका लागि सर्वसधारणमा आग्रह गरेका छन् । पालिका अध्यक्ष विश्वेश्वर प्रसाद यादवले पालिकाले निर्धारण गरिएको रकमभन्दा वढि माग गरेमा तत्काल आफुलाई जानकारी गराउनका लागि सर्वसधारणमा आग्रह गरेका छन् । आफुले यस सम्बन्धमा थप अनुसन्धान गरिरहेको त्यस्तो कार्यमा संलग्न कर्मचारी र जनप्रतिनिधीलाई कानुनअनुसारको कारवाही गरिने अध्यक्ष यादवले प्रतिवद्धता जनाएका छन् ।
सभार रुपान्तरण अन लाइन डट कम