एजेन्सी, असार ७ । इजरायलकाे हवाई आक्रमणमा इरानका ड्रोन कमाण्डर अमिन पोर जोडखी मारिएको दावी गरेका छन । यसअघि इजरायलले जुन १३ मा ड्रोन युनिट प्रमुख तहर फरलाई मारेको थियो । त्यसै बेलादेखि जोडखी ड्रोन युनिटको जिम्मेवारीमा थिए ।
इजरायलले हवाई आक्रमणमा इरानका अहिलेसम्म १२ भन्दा बढी इरानी सैन्य अधिकारीहरूलाई मारेको छ । यसमा इरानी सेना प्रमुख मोहम्मद बघेरी, आईआरजीसी प्रमुख हुसेन सलामी र अन्य धेरै ठूला नामहरू समावेश छन् ।
यसैबीच, अमेरिकी राष्ट्रपति डोनाल्ड ट्रम्पले इजरायललाई युद्ध रोक्न आग्रह नगर्ने बताएका छन । उनले भने कि इजरायल हाल युद्धमा अगाडि छ । यस्तो अवस्थामा, यदि कोही जित्दै छ भने, उसलाई रोक्न गाह्रो छ ।
इरानले शनिबार बिहान तेल अभिभ र इजरायलका अन्य शहरहरूमा मिसाइल आक्रमण गरेको छ। सोही समयमा, इजरायलले पनि बदला लिँदै इरानको इस्फहानको कोममा मिसाइल आक्रमण गरेको छ । यसमा २ जनाको मृत्यु भएको छ भने ४ जना घाइते भएका छन्।
पछिल्ला ८ दिनमा इजरायलमा २४ जनाको मृत्यु भएको छ भने ९०० भन्दा बढी घाइते भएका छन्। इरानमा ६५७ जनाको मृत्यु भएको छ भने २००० भन्दा बढी घाइते भएका छन् । यो तथ्याङ्क वासिङ्टनस्थित इरानी मानव अधिकार समूहले दिएको हो ।
