किभ । युक्रेनस्थित अमेरिकी दूतावास अस्थायी रूपमा बन्द गरिएको छ । रुसबाट हुन सक्ने ठुलो हमलालाई मध्यनजर गर्दै अमेरिकी दूतावास बन्द गरिएको हो ।
युक्रेनस्थित अमेरिकी दूतावासले रुसबाट नोभेम्बर २० मा युक्रेनमाथि विशेष हवाई हमला गर्न लागेको जानकारी प्राप्त भएको पनि उल्लेख गरेको छ ।
सम्भावित हमलालाई मध्यनजर गर्दै दूतावास अस्थायी रूपमा बन्द गरिएको र आफ्ना कर्मचारीलाई सुरक्षित ठाउँमा बस्न निर्देशन दिइएको युक्रेनस्थित अमेरिकी दूतावासले जनाएको छ ।
