जानकी मन्दिरमा राष्ट्रपति रामचन्द्र पौडेल चप्पल लगाएर गर्वगृहमा गरे प्रवेश चौतर्फी बिरोध हुँदै

विश्वप्रसिद्ध जानकी मन्दिरमा पूजाआजाको लागि राष्ट्रपतिलाई चप्पलको व्यवस्था गरिएपछि चौतर्फी विरोध भएको छ ।
आज विहान ९ बजेपछि जनकपुर आउने कार्यक्रम रहेको राष्ट्रपति रामचन्द्र पौडेललाई जानकी मन्दिरको भित्री गर्भगृहसम्म जानको लागि जनकपुरधाम उपमहानगर पालिका का मेयर मनोज साहले चप्पलको व्यवस्था गरेपछि चौतर्फी विरोध भएको हो ।हिन्दु धर्ममा मठ मन्दिरमा चप्पल, जुत्ता परै वा बाहिरै राख्नुपर्ने प्रावधान भएपनि राष्ट्रपतिको लागि मेयर साहले विशेष चप्पलको व्यवस्था गरेपछि चाकडीपनको हद पार भएको टिकाटिप्पणी पनि गरिएको छ । जानकी मन्दिरका सहायक महन्त रोषण दास ‘वैष्णव’ ले माता जानकीको गर्भगृहसम्म पुग्न राष्ट्रपति पौडेलका लागि चप्पलको व्यवस्था मिलाएको बताए । उनका अनुसार आयोजक जनकपुरधाम उपमहानगरपालिकाले नै चप्पलको व्यवस्था मिलाएको हो । छोटे महन्त दासका अनुसार, ‘जाडो महिनामा मानिसहरूले कपडाको जुत्ताजस्तो जुन चप्पल लगाउँछन्, त्यही चप्पल राष्ट्रपति पौडेलको लागि व्यवस्था गरिएको छ ।