सत्ता गठबन्धनको भेलामा महेन्द्रलाई अपमान, कौशल कु यादवले मदिरा सेवन गरेर सबैलाइ गालि गरेकाे भिडियाे हटाउ पत्रकारलाइ दिए दवाब

सन्तोष यादव २०७९ कार्तिक
जनकपुरधाम । जनकपुरमा भएको ५ दलीय गठबन्धनको मधेस प्रदेश स्तरीय भेलामा नेपाल समाजवादी पार्टीका अध्यक्ष महेन्द्र राय यादव अपमानित बनेका छन् । कार्यक्रममा अध्यक्ष यादवलाई आसन ग्रहण नै गराइएन ‌। पछि उनलाई आसन ग्रहण गर्न आग्रह गर्दा डाइस (मञ्च)मा गएनन् । यति मात्र होइन मन्तव्य राख्ने क्रममा उनलाई उद्घोषकले सह-अध्यक्ष भनेर बोलाए ।
अध्यक्ष हुनुपर्नेमा सह-अध्यक्ष भनेर सम्बोधन गर्दा यादव अपमानित महसुस गरेर मन्तव्य समेत राखेनन् । सहभागीले अध्यक्ष हुनुहुन्छ भनेर हुटिङ गर्दा पनि उद्घोषकले आफ्नाे गल्ती नसच्याई अर्का नेतालाई सम्बोधनका लागि बोलाए ।
अतिथि बनेर आएका नेसपा अध्यक्ष यादव सहभागी बनेर कार्यक्रम सकुन्जेल बसे । उनको अनुहार कार्यक्रमभर उदास बन्यो । मन्तव्य राख्ने क्रममा माओवादी अध्यक्ष पुष्पकमल दाहाल प्रचण्ड कार्यक्रममा त्रुटि भएको भन्दै असन्तुष्ट नहुन आग्रह गरे ।
उक्त भेलामा लोकतान्त्रिक समाजवादी पार्टी (लोसपा)का प्रदेशसभा सदस्यका उम्मेदवार कौशल कुमार यादव वितण्डा मच्चाए । उनले आफ्नै पार्टीका नेता जीतेन्द्र सोनल र सुरक्षाकर्मीलाई तथानाम गाली गरे ।
प्रधानमन्त्री तथा कांग्रेस सभापति शेरबहादुर देउवा, नेकपा एसका अध्यक्ष माधव कुमार नेपाल, कांग्रेस नेता रामचन्द्र पौडेल लगायतका गठबन्धनका शीर्ष नेताहरू भेलामा सहभागी भएकाले सुरक्षा अवस्था कडा पारिएको थियो ।
सुरक्षाकर्मीले चेकजाँच गरी मात्र होटेलमा छिर्न दिन्थ्यो भने कार्यक्रम हुने हलमा छिर्न पत्रकार बाहेकलाई पासको व्यवस्था गरेको थियो । मधेस प्रदेशका निवर्तमान सांसद समेत रहेका कौशलले होटेल प्रवेश गर्ने क्रममा पनि चेकजाँच गरेका सुरक्षाकर्मीलाई गाली गरे ।
होटेल प्रवेश गरेपछि उनी कार्यक्रम हुने हलमा छिर्न खोजे । त्यहाँ सुरक्षाकर्मीले पास मागे तर उनीसँग त्यति बेला पास थिएन ‌। उनी सुरक्षाकर्मी र लोसपा मधेस प्रदेश अध्यक्ष जितेन्द्र सोनललाई आमा लगाएर गाली गर्दै फर्किए ।
होटेल परिसरमा सत्ता गठबन्धनमा आबद्ध नेताहरूको भीड लागेको थियो ‌। तर उनलाई गाली गर्नबाट कसैले रोकेनन् । नेपाल प्रेसकर्मीले भिडियो खिच्न लाग्दा उनी आत्तिए । उनी किन भिडिओ खिचेको ? को हो तिमी भन्दै क्यामेरा खाेस्ने प्रयास गरे ।
तर क्यामेरा खोस्न नसक्दा नेता कौशलले भिडिओ डिलिट गर्न दबाब दिन थाले । उनलाई त्यहाँ उपस्थित अन्य नेताहरू पनि सघाए । होहल्ला भएपछि सुरक्षाकर्मीले नेपाल प्रेसकर्मीलाई जोगाएको थियो ।
एक सुरक्षाकर्मीका अनुसार नेता कौशल मदिरा सेवन गरेर आएका थिए । उनको मुख समेत गन्हाइरहेको थियो । उनी कार्यक्रमका बेला पनि जे पायो त्यही बोलिरहे ।
नेता यादव ०७४ मा तत्कालीन संघीय समाजवादी फोरमबाट निर्वाचित भएका थिए । तर यो पटक जसपाले उनलाई टिकट नदिएपछि मनोनयन दर्ता भइरहेको दिन लोसपामा प्रवेश गरेर टिकट लिन सफल भए । उनी महोत्तरी ४ (१) बाट चुनाव लडेका छन् ।सभार नेपाल प्रेस