महोत्तरीको भंगहामा छौ बर्षीय बालिकाको पोखरीमा डुबेर मृत्यु

गोपाल झा
महोत्तरी १३ जेष्ठ
महोत्तरी जिल्लाको भंगहा नगरपालीकामा बाख्रा चराउन गएकी ६ बर्षीय बालिकाको पोखरीमा डुबेर मृत्यु भएको प्रहरीले जनाएको छ ।
जिल्लाको भंगहा नगरपालिका वडा नं. ८ पडरियाका ईन्ताज अन्सारीका अन्दाजी ६ वर्षीया छोरी सहिदा खातुनको पोखरीमा डुबेर मृत्यु भएको जिल्ला प्रहरी कार्यालय महोत्तरीले जनाएको छ ।
बिहिवार साँझ करिब ६ बजे बाख्रा चराउन गएकी बालिकाको चौरीमा रहेको पोखरीमा डुबेर मृत्यु भएको खबर पश्चात ईलाका प्रहरी कार्यालय लोहारपट्टी र जिल्ला प्रहरी कार्यालय महोत्तरीबाट खटेको प्रहरी टोलीले प्रारम्भिक मुचुल्का गरेर शवलाई पोष्ट मार्टमको लागि जलेश्वर अस्पताल पठाईएको र पोष्टमार्टम पश्चात शव मृत बालीकाको आफन्तले बुझि लगेको तथा घटना सम्बन्धमा थप अनुसन्धान भईरहेको जिल्ला प्रहरी कार्यालय महोत्तरीका प्रहरी प्रवक्ता, प्रहरी नायव उपरीक्षक प्रकाश विष्टले जानकारी दिएका हुन् ।