मताधिकारको सदुपयोग गर्न जान्छु तर चुनावमा नेताको भाषण सुन्ने फुर्सद छैन महोत्तरीका किसान मतदाताको भनाई

गोपाल झा
महोत्तरी , ७ बैशाख
स्थानीय तहको चुनाव आउन अब केही दिन मात्र बाँकी रहँदा महोत्तरीमा पनी चुनावी तरङ् बढेको छ । राजनीतिक दल र नेता गाउँगाउँमा पुगेर मतदाता लोभ्याउने, भेला गर्ने जस्ता क्रियाकलापहरु गरीरहेका छन् । तर यसपालीका चुनाबी कार्यक्रममा मतदाता कम र नेता कार्यकर्ता बढी देखिन्छन् । मतदाता कम र नेताहरुको बाक्लो उपस्थितीका बिभिन्न पाटाहरु रहेको मध्ये अहिले किशानहरुको कामको चटारो पनी रहेको छ । खेतमा पाकीसकेको गहुँ र दाल तथा तेलहनबबाली थन्क्याउने, तरकारी बारीको गोडमेल गर्ने ,सिँचाइका लागि पानीको जोहो गर्ने काममा किसान व्यस्त छन् ।
राजनीतिक दलका नेता चुनावी प्रचार प्रसारमा घरघर पुग्न थाले पनि किसानहरुले उनीहरु संग समय निकालेर भलाकुसारी गर्न फुर्सद न रहेको भन्दै हाम्रा समस्या जस्ताका त्यस्तै छन्, खेतमा पाकी सकेको गहुँ र अन्यबाली भित्रयाउने चटारो छ ।
तरकारी बाली लगाईइको खेतबारीमा सिँचाइ नभएर बाली मरेको छ, मलखाद्य समय मा पाउँदैन, चुनाव आउँछ, नेता आउँछन्, आश्वासन दिन्छन्, जान्छन ,एकडारा गाउँपालिका-१ का तरकारी किशान रासबिहारी मण्डलको गुनासो छ । समाचारको सिलसिलामा कुरागर्दा भन्नुहुन्छ , गाउँमा सडकको केही विकास भए पनि कृषि क्षेत्रमा भने अलीकती उपलब्धि हुन नसकेको भन्दै “अहिले तीन तहको सरकार छ ।
स्थानीय सरकार हाम्रो आफ्नै सरकार हुनुपर्नेमा किसानका लागि त्यस्तो महशुस हुन सकेको छैन”, मण्डल भन्नुभयो, “समयमा मल बीउ पाइँदैन, सिँचाइको व्यवस्था छैन अन्य प्राकृतिक प्रकोपबाट बालीनालीमा क्षति पुग्दा समयमा नै उचित क्षतिपूर्ति पाइँदैन, त्यसैले चुनाव आए पनि हामीलाई न त हर्षो न बिस्मय । महोत्तरीको दक्षिणी भेगमा करीब ८० प्रतिशतभन्दा बढी मतदाता कृषि पेशासँग आबद्ध छन् । किसानलाई चुनावप्रति वितृष्णा जाग्नुका कारण कामको व्यस्तता मात्रै नभएर कृषि र कृषकका हितका लागि विगतमा नेताले दिएको आश्वासन पूरा गर्न नसक्नु पनि रहेको छ ।
किसानलाई चुनावकोभन्दा बढी चिन्ता गहुँ तथा दलहनबाली भित्र्याउने र तरकारीबाली गर्ने चटारो छ । उनीहरूले आफूहरुका लागि कामभन्दा ठूलो चुनाव नहुने बताएका छन् ।
मनरा सिस्वाका रामनारयण पेसाले कृषिमा आबद्ध हुनुहुन्छ । उहाँको चाहना कृषिमा योगदान दिने जनप्रतिनिधि होस् भन्ने छ । ‘अहिलेसम्म कसैले पनि कृषिलाई महत्त्व दिएका छैनन् । कृषिमा योगदान गर्ने कोही जनप्रतिनिधि देखिएका छैनन्,’ उहाँको गुनासो छ, ‘सबै भाषण र कागजमा मात्र हो । यो पाँच वर्ष कसैले पनि राम्रो काम गरेको देखिएन ।
उहाँ भन्नुहुन्छ, ‘जनप्रतिनिधि भएर कसले के काम गरिरहेको छ, के भइरहेको छ भन्ने हेरेर तथा कृषि उपजको उत्पादन गर्ने वातावरण बनाइदिने जनप्रतिनिधि भए राम्रो ।
त्यस्तै सरपल्लो बजारका खेहरु मण्डलले पनि पहिला पनी मतदान गरिसक्नु भयो । तर, आफूले भोट हाले पनि पछि गएर त्यस्ता जनप्रतिनिधिले काम नगरेको उहाँको गुनासो छ ।