सर्लाहीमा ठुलो परिमाणमा लागुऔषध बरामद, २ जना पक्राउ

प्रतिक्षा खबर
सर्लाही, असोज ६ गते
सर्लाहीको लालबन्दी नगरपालिका–२, जुटपानीबाट आइतबार राती ठूलो परिमाणमा लागूऔषध बरामद भएको छ ।
दक्षिणतर्फबाट ना १ ह ७३१५ नं. को अटोमा राखेर ल्याउँदै गरिएको लागूऔषध ईलाका प्रहरी कार्यालय लालबन्दी र नवलपुरबाट खटिएको संयुक्त प्रहरी गस्ती टोलीले बरामद गरेको हो । अटोमा बोरोभित्र लुकाईछिपाई ल्याउँदै गरिएको वाइनरिकेक्स १६६ सीसी, नाइट्राभेट ट्याब्लेट १५ पत्ता र डाइलेक्स डीसी ८७ सीसी बरामद गरिएको लालबन्दीका प्रहरी निरीक्षक नारायण थापाले जानकारी दिए ।
पक्राउ पर्नेमा अटो चालक हरिपुर नगरपालिका–८, जगतपुर बस्ने ३१ वर्षीय श्याम सुन्दर दास र अटोमा सवार बरहथवा नगरपालिका–४, शान्तिटोल बस्ने ३० वर्षीय अनन्त पक्राउ परेका छन् ।
यसैबीच लालबन्दी प्रहरीले दुई दिनअघि लालबन्दी नगरपालिका–८, मरिण जाने सडकबाट ५ किलो लागूऔषधसहित गाँजासहित एक जनालाई पक्राउ गरेको थियो । झोलामा लुकाएर ना २२ प ९०१९ नं. को मोटरसाइकलमा गाँजा लिएर आउँदै गर्दा पक्राउ परेका लालबन्दी नगरपालिका–१४, नारायणखोलाका १९ वर्षीय विश्राम गोलेलाई हिरासतमा राखी अनुसन्धान भइरहेको छ ।