जसपाका केन्द्रीय सदस्य सहित ३२ जनाले गरे नेकपा एमाले प्रवेश

शुभ नारायण यादव-
सप्तरी, माघ २३ गते ।
जनता समाजवादी पार्टीकी केन्द्रीय सदस्य कल्पना चौधरी नेकपा एमाले मा प्रवेश गरेकी छिन् ।
आइतवार सप्तरीको कञ्चनरुप नगरपालिका–९ स्थित रुपनगरमा आयोजित एक कार्यक्रमकाबीच केन्द्रीय सदस्य चौधरी जसपा परित्याग गरि एमालेमा प्रवेश गरेकी छिन् ।
एमाले कञ्चनरुप नगर समिति संयोजक बच्चुलाल चौधरीको अध्यक्षतामा आयोजित कार्यक्रममा नेकपा एमालेका पोलिटव्युरो सदस्य सुमन प्याकुरेलले माला र अविर लगाएर चौधरीलाई पार्टी प्रवेश गराएका हुन् ।
चौधरी सँगै कञ्चनरुप नगरपालिका वडा नम्बर ७ मा जसपाबाट निर्वाचित वडा सदस्य निर्मला चौधरी, सप्तकोशी नगरपालिकाको उपप्रमुख पदका प्रत्यासी रम्भा सरदार, सप्तकोशी नगर समिति सदस्यहरु बाबुराम चौधरी, नन्दलाल चौधरी लगायत ३२ जना नेता, कार्यकर्ता जसपा परित्याग गरि एमालेमा प्रवेश गरेका छन् ।