सर्लाहीबाट १ सय ८६ किलो गाँजा बरामद

सर्लाही, मंसिर २६ गते ।
भारतीय सीमामा नेपालबाट प्रवेश गर्न लागेको डेढ क्विन्टल भन्दा बढी लागुऔषध गाँजालाई प्रहरीले नियन्त्रणमा लिएको छ ।
शनिवार अबेर राति सर्लाही सदरमुकाम मलंगवाबाट चोरबाटो हुँदै भारतीय सीमामा प्रवेश गर्नै लाग्दा प्रहरीले १ सय ६८ केजी गाँजा बरामद गरेको छ । गाँजा बरामद भएपनि मानिस फरार भएका छन् ।
मलंगवा नगरपालिका–८ शान्तिटोलमा गस्तीमा खटिएका सशस्त्र प्रहरी गण–१० को टोलीले ६ वटा प्याकेटमा रहेको गाँजा बरामद गरेको हो ।
सदरमुकाम मलंगवा तर्फबाट तस्करहरुको समूहले बोरामा पोका बनाएर भारतीय बजार सोनवर्षा जानै लाग्दा सीमामा नियन्त्रणमा लिइएको बोर्डर आउट पोष्ट मलंगवाका प्रमुख प्रहरी निरीक्षक उमेश कार्कीले जानकारी दिए ।
प्रहरी निरीक्षक कार्कीका अनुसार तस्करहरुले प्रहरीलाई देख्नासाथ गाँजाको पोका छाडेर भागेका थिए । उनले बोरा जाँच्दा गाँजा भेटिएपछि नेपाल प्रहरीको जिम्मा लगाइएको जानकारी दिए ।