पर्सा राष्ट्रिय निकुञ्जमा ५५ किलो मिटरको साइकल यात्रा

प्रदेशको पर्यटन प्रबर्द्धनमा कोशे ढुङ्गा साबित हुने मुख्यमन्त्री राउतको बिश्वास
पर्सा, फागुन २७ । पर्सा राष्ट्रिय निकुञ्जमा पर्यटन प्रबर्द्धन गर्ने उद्देश्यका साथ सेना दिवस एब महाशिवरात्री को अवसर पारेर ५५ किलोमिटरको साईकल यात्रा सम्पन्न भएको छ ।
सात बर्षिय बालक देखि ६५ बर्षिय बृद्ध सम्म सहभगी साईकल यात्राको समापन गर्नु हुदै मुख्यमन्त्री लालबाबु राउतले यस्ता आयोजन हरु प्रदेशको पर्यटन प्रबर्द्धनमा कोशे ढुङ्गा साबित हुने बिश्वास व्यक्त गर्नु भयो ।
प्रदेशको प्राकृतिक पर्यटकिय गन्तव्यको रुपमा पर्सा राष्ट्रिय निकुञ्जलाई बिकास गर्न प्रदेश सरकार प्रयत्नशील रहेको समेत उहाले बताउनु भयो ।
मुख्यमन्त्री राउतले ५५ किलोमीटर को साईकल यात्रामा सहभागी सप्तरीका सात बर्षिय बालक राहुल चौधरीलाई प्रदेश सरकारको तर्फ बाट ५१ हजार नगद पुरस्कार दिने घोषणा समेत गर्नु भयो ।
समापन कार्यक्रममा उद्योग , पर्यटन , वन तथा बाताबरण मन्त्रालयका सचिव रामचन्द्र कडेल प्रदेशको पर्यटकीय सम्भावना र बन्यजन्तुको समरक्षण सम्बन्धमा प्रदेश सरकारको नीति बारे धारणा राख्नु भएको थियो ।
कार्यक्रममा प्रदेश सभा सदस्य शोभा लामा, संविधान सभा सदस्य मधु शाही लगायत को उपस्थिति रहेको थियो ।
५५ किलोमिटरको साईकल यात्रामा नेपाली सेना र सशस्त्र प्रहरीका पुर्ब प्रमुखहरू , सप्तरी का सात बर्षिय राहुल चौधरी सहित १८७ जनाको सहभगिता रहेको थियो ।
स्वच्छ देश, स्वस्थ मधेश नाराका साथ प्रदेश सरकार , नेपाली सेना, पर्सा राष्ट्रिय निकुञ्ज लगायतको सङ्घ संस्था ले सन्युक्त रुपमा उक्त साईकल यात्राको आयोजना गरेको थियो ।