कार्यालय जाँदैगरेकाे वडासचिवको बसले ठकर दिदा घटनास्थलमै मृत्यू

जनकपुरधाम । जनकपुरमा बसले किचेर एक वडा सचिवको मृत्यू भएको छ । धनुषाको लक्ष्मीनियाँ गाउँपालिका वडा नं. १ का वडासचिवको मृत्यू भएको प्रहरीले जनाएको छ ।शुक्रबार (आज) विहान करिब १० बजेको समयमा धनुषाको लक्ष्मीनियाँ गाउँपालिकाको लक्ष्मीनियाँ स्थित जनकपुर ढल्केवर सडकखण्डमा बसले ठक्कर दिएर किचेको जिल्ला प्रहरी कार्यालय धनुषाले जनाएको छ ।लक्ष्मीनियाँ गाउँपालिका वडा न. ३ बस्ने अन्दाजी बर्ष ५० का वडासचिव शिवचन्द्र यादवको बसले किचेर मृत्यू भएको प्रहरीले जनाएको छ । उनको लक्ष्मीनियाँ गाउँपालिका वडा नं. १ सपही स्थित ठक्कर दिएको प्रहरीले जनाएको छ ।सपही स्थित रहेको हनुमान मन्दिर र त्यहाँ नयाँ बन्दै गरेको पूलको डाइसर्भन स्थित साईकलमा सवार वडा सचिव यादवलाई पछाडीबाट आएको बसले ठक्कर दिएपछि उनको घटनास्थलमै मृत्यू भएको प्रहरीले जनाएको छ ।जनकपुर–सर्लाही चल्ने ना ४ ख १०६९ नम्बरको यात्रुबाहक बसले उनलाई बिहान ठक्कर दिएपछि वडासचिव यादव लडेका थिए । लडेपछि पनि उनलाई बसलाई ब्याक गरी किचिदिएको स्थानीयहरुको भनाई छ ।प्रहरीका अनुसार, जनकपुर आउँदै गरेको सो बस त्यतिबेला बसका खलासी चलाउँदै थिए । बस तीव्र गतिमा आएर पछाडीबाटै वडासचिव यादवलाई ठक्कर दिएपछि उनको तत्कालै घटनास्थलमै मृत्यू भएको प्रहरीले जनाएको छ ।वडासचिवको मृत्यू भएपछि स्थानीय प्रहरीलाई जानकारी गराएको थियो । जनकपुरधाम उपमहानगरपालिका वडा नं. १४ स्थित रहेको मुलेलिया प्रहरी चौकीले बस र बसको चालकलाई नियन्त्रणमा लिएको छ ।बसले ठक्कर दिएर त्यतिबेला बस चलाएका खलासीले बसबाट ओर्लेर फरार भएको चालकको बयानलाई उदृत गर्दै प्रहरीले जानकारी दिएको छ । प्रहरी प्रवक्ता मकेन्द्र मिश्रका अनुसार, अहिले चालक र बस दुवै प्रहरीको नियन्त्रणमा राखेर अनुसन्धान थालिएको छ ।यता, पोष्टमार्टमको लागि उनलाई तत्कालै जनकपुर स्थित रहेको जानकी हेल्थ केयरमा परिवारजनले ल्याएको थियो । केही बेर प्रहरी कुनै चासो नलिएपछि परिवारजन सहित उनको गाउँबाट आएका सर्वसाधारणहरुले जनकपुरको जानकी हेल्थ केयर र बजरँगचोकको बाटो बन्द गरेका थिए ।प्रहरीले समयमा चासो नलिएको तथा पोष्टमार्टमको लागि कुनै पहल नगरेको भन्दै उनीहरुले केहीबेर सडक जाम गरी प्रदर्शन समेत गरेको थियो । मृतक सचिवको जनकपुरको प्रादेशिक अस्पतालमा पोष्टमार्टमपछि शव परिवारजनको जिम्मा लगाइएको जिल्ला प्रहरी कार्यालय धनुषाले जनाएको छ ।