प्रतीक्षा खबर
काठमाडौं, वैशाख २५ गते ।
नेपालमा थप दुईजनामा कोरोना संक्रमण पुष्टि भएको छ । बिहीबार कपिलवस्तुका थप दुई जनामा कोरोना संक्रमण पुष्टि भएको वास्थ्य मन्त्रालयले जानकारी दिएको छ ।
यससँगै नेपालमा कोरोना संक्रमितको संख्या १०१ पुगेको छ । कपिलवस्तु–८ का १६ र २२ वर्षका दुई जना पुरुषको स्वाब नमुना राष्ट्रिय जनस्वास्थ्य प्रयोगशाला काठमाडौँमा परीक्षण गर्दा संक्रमण देखिएको हो ।
दुवै जना संक्रमितको अवस्था सामान्य रहेको र उनीहरु स्वास्थ्यकर्मीको सम्पर्कमा रहेको पनि मन्त्रालयले जनाएको छ ।
