जनसंख्याको अनुपातमा निर्बाचन क्षेत्र कायम गर्नुपर्ने अध्यक्ष उपेन्द्र यादव

गोपाल झा
महोत्तरी , २५ जेष्ठ जनता समाजवादी पार्टी नेपालका राष्ट्रिय अध्यक्ष तथा पूर्वउपप्रधानमन्त्री उपेन्द्र यादवले मधेशको जनसंख्या ५३ प्रतिशत पुगी सकेको भन्दै सोही अनुपातमा आब निर्वाचन क्षेत्र कायम हुनुपर्नेमा जोड दिएका हुन् ।
महोत्तरी जिल्लाको सदरमुकाम जलेश्वरमा जनता समाजवादी नेपाल पार्टीका नवनिर्वाचित पदाधिकारीहरुलाई सम्मान कार्यक्रममा बोल्नुहुदै अध्यक्ष यादव विगतमा मधेशको जनसंख्या ४६ प्रतिशत रहेपनि अहिले ५३ प्रतिशत जनसंख्या भएकोले सोही अनुपातमा निर्वाचन क्षेत्र कायम हुनुपर्ने वताउनुहुदै उहाँले कतिपय ठाउँमा १२५ मतमै नगरप्रमुख चुनिने गरिएकोले यसलाई सच्याउन आग्रह गर्नुभयो ।
कार्यक्रमा बोल्दै अध्यक्ष यादब लोकतान्त्रिक समाजवादी पार्टी नेपाल -लोसपा लाई मधेशको जनमत विभाजन हुन नदिनको लागि स्पष्ट भएर आउन आग्रह पनि गर्नुभयो । उहाँले लोसपाका राष्ट्रिय अध्यक्ष महन्थ ठाकुरलाई इंकित गदै भन्नुभयो, ‘महन्थ भएपछि कुनै लोभ, लालच हुनुभएन, उहाँको नाम नै महन्थ रहेकोले मधेशको जनमत विभाजन हुन नदिन आफु उहाँलाई स्वागत गर्न तयार छु ।
उहाँले मधेश र मधेशीको लागि छाती चौडा गरेर आउन आग्रह गर्दै आगामी निर्वाचनमा एकजुट भयौं भने मधेशको जनमतको सम्मान समेत हुने बताउनुभयो । उहाँले भन्नुभयो, ‘अरुले के दिन्छ, दिदैन तथा यसले मधेशलाई के फाइदा वा वेफाइदा हुन्छ स्पष्ट भएर आउन म उहाँहरूलाई (लोसपा पार्टी) आग्रह गर्न चाहन्छु ।नागरिक्ता बखेडाले लाखौं जनता आफ्नो मताधिकारबाट बञ्चित हुनुपरेको जानकारी दिँदै राष्ट्रिय अध्यक्ष यादवले सदनबाट नागरिकता विधेयक पारित गरेर नागरिकता वितरण गरि मताधिकार दिन आफु लागिपरेको बताउँदै उहाँले मतदानको अधिकार सबै नागरीकलाई भएकोले सो अधिकारको सम्मान गरिने दावी गर्नुभयो । उहाँले प्रदेशको अधिकार नदिने र भएको अधिकारबाट पनि बञ्चित गरिने गरि खेल भइरहेको भन्दै संघीयतालाई फेल गराउने खेल भइरहेकोले सबैलाई यसबाट सजग हुन आग्रह गर्नुभयो । आन्तरिक तथा बाह्य शक्तिबाट संघीयता फेल गर्ने षडयन्त्र भइरहेकोले सो षडयन्त्रबाट जोगाउन सबैले हातेमालो गर्नुपर्ने आवश्यकतामा जोड दिनुभयो । उहाँले सिमित श्रोत साधनबाट पालिकाको विकास गर्न र जनताको मालिक नभई सेवकको रुपमा काम गर्न नव निर्वाचित स्थानिय पदाधिकारीहरुलाई निर्देशन दिनुहुदै स्थानिय निर्वाचनको बखत टिकट बाँडफाँडमा केही त्रुटी भएको स्विकार गर्दै अब हुने संघीय र प्रदेशको चुनावमा जनताले रूचाउने उम्मेदवारलाई सर्वसम्मत रुपबाट ल्याउन आग्रह समेत गर्नुभयो । कार्यक्रममा जसपाका केन्द्रीय सदस्य तथा पूर्वमन्त्री हरिनारायण यादव, मधेश प्रदेशका पूर्व आन्तरिक मामिला तथा कानुन राज्यमन्त्री सरोज कुमार कुशवाहा, जलेश्वर नगरपालिकाका नगरप्रमुख सुरेश साह सोनार एकडारा गाँउपालीकाका अध्यक्ष दिपनारायण मण्डल लगायतकाहरुले आ-आफ्नो मन्तव्य राख्नुभएको थियो । कार्यक्रम पूर्व राष्ट्रिय अध्यक्ष यादव जलेश्वरको प्रसिद्ध जलेश्वरनाथ महादेव मन्दिर पुगेर पुजापाठ गर्नुभएको थियो ।