जसपा फुटाउन ठाकुरले ओलीसँग ४० करोड लिएको खुलासा

काठमाडौं । शतप्रतिशत विचार नमिले पनि केपी शर्मा ओलीको षडयन्त्रको सिकारबाट जोगिन निर्माण भएको जनता समाजवादी पार्टी (जसपा) आज तिनै ओलीको कारण करिब फुटको अन्तिम अवस्थामा पुगेको छ । विश्वसनीय स्रोतको अनुसार आजै बालुवाटारमा ओलीलाई भेट्न पुगेका ठाकुरलाई पार्टी फुटाउन ४० करोड रुपैयाँको जोहो गरिएको छ । उक्त डिल भए लगत्तै बालुवाटारबाट निस्केर ठाकुरले पार्टी फुटाउन आवश्यक प्रक्रिया अगाडी बढाउन अनुरोधका लागि शितल निवासमा पुगेर राष्ट्रपति विद्या भण्डारीलाई भेटेका छन् ।
गैरसंवैधानिक तवरमा ओलीले संसद विघटन गरेपछि गत पुस ७ गते पार्टीको केन्द्रिय कार्यकारिणी समितिको बैठकबाटै ओली विरुद्ध सशक्त आन्दोलन गर्ने निर्णय गरेका ठाकुर पछिल्लो समय एकाएक ओलीको कुर्सी जोगाउने अभियानमा सक्रिय भएका छन् । ओलीले आफैले विघटन गरेपछि सर्वोच्च अदालतको आदेशमा जोगिएको संसदसँग विश्वासको मत लिन प्रस्तुत भएको बेला पनि ठाकुरले ओलीको पक्षमा मौन समर्थन जनाएका थिए । संसदले विश्वासको मत नदिएपछि धरापमा परेको ओलीको कुर्सी जोगाउन ठाकुरले आजै ४० करोड रुपैयाँ पाउने डिल भएको स्रोतको भनाई छ ।
संसदले विश्वासको मत नदिएपछि ओलीको विकल्पमा बहुमतको सरकार बनाउन राष्ट्रपतिले आह्वान गरेको समयसीमा बित्न लाग्दा ओलीले मर्ता क्या न कर्ता भने झैं अन्तिम अस्त्र प्रयोग गर्दै जसपा फुटाउन तम्सिएका हुन् ।