अविलम्ब सीमानाका सुचारु गर्न अध्यक्ष यादवको मांग

जनकपुरधाम, फागुन ११ । जनता समाजवादी पार्टीका अध्यक्ष उपेन्द्र यादवले भारत संगको सीमा नाका अविलम्ब सुचारु गर्न मांग गर्नु भएको छ ।
महोत्तरीको मटिहानी नगरपालिकाद्वारा मटिहानी बजारमा निर्मित कलात्मक घण्टाघरको समुघाटन गर्नु हुँदै अध्यक्ष यादवले भारत संगको सीमानाका सुचारु गर्न आफुहरु प्रधामन्त्रीलाई पटक पटक अनुरोध गरे पनि अटेरी गर्दै आएको आरोप लगाउनु भयो ।
कोरोनालाई सीमा नाकामा लगाइएको ढाठले रोक्न नसक्ने उल्लेख गर्नु हुँदै अध्यक्ष यादवले सीमानाका बाट मधेशको जीवननै जुडेको हुनाले यस संवेदनशिलतालाई प्रधानमन्त्रीले बुझदै सीमा नाका खोल्नु पर्ने उहाँले बताउनु भयो ।
विश्वका कतिपय देशहरु सीमा विहिन भएको उल्लेख गर्नु हूँदै अध्यक्ष यादवले २१ औ शताव्दीको युगमा सीमा नाका बन्द गर्नु आफैमा हास्यास्पद रहेको उल्लेख गर्नु भयो ।
मटिहानी नपाका प्रमुख हरि प्रसाद मण्डलको अध्यक्षतामा भएको उक्त कार्यक्रममा अध्यक्ष यादव र मुख्यमन्त्री लालबाबु राउतले संयुक्त रुपमा घण्टाघरको समुदघाटन गर्नु भएको थियो ।