क्वारेन्टिनमा रहेका एकजना पुरुषको मृत्यु

प्रतीक्षा खबर
नवलपरासी, असार १४ गते ।
नवलपरासीको क्वारेन्टिनमा रहेका एकजना पुरुषको मृत्यु भएको छ । नवलपरासीको बर्दघाट नगरपालिका–२ दिव्यज्योति क्याम्पसको क्वारेन्टिनमा बसेका ४५ वर्षीय पुरुषको आइतबार बिहान मृत्यु भएको हो ।
उच्च रक्तचाप र प्यारालाइसिका पीडित ती पुरुषको मध्यरातमा अवस्था जटिल भएपछि परिवारलाई खबर गरी उपचारका लागि प्रादेशिक अस्पताल बुटवल लगिएको र उपचारका क्रममा ती पुरुषको मृत्यु भएको बर्दघाट नगरपालिकाका स्वास्थ्य शाखा प्रमुख माधव ज्ञवालीले जानकारी दिए ।
उनले मृतक पुरुषमा कोरोना भाइरस सङ्क्रमण भएरनभएको स्वाब सङ्कलन गरी परीक्षणका लागि पठाइएको उनले बताए । उनी यही असार १२ गते भारतको मुम्बईबाट आएका थिए ।