महोत्तरी र सर्लाहीका ५ जना नयाँ संक्रमित थपिएको पुष्टि गलत रहेको

रामगाेपालपुर, जेठ १ गते ।
स्वास्थ्य तथा जनसंख्या मन्त्रालयले बिहीबार बिहान गरेको ७ जना नयाँ कोरोन संक्रमित थपिएको पुष्टि गलत देखिएको छ । कपिलबस्तु र काठमाडौंका २ जना बाहेक धनुषा, महोत्तरी र सर्लाहीका ५ जना नयाँ संक्रमित थपिएको पुष्टि गलत रहेको छ ।
स्वास्थ्य तथा जनसंख्या मन्त्रालयले गएको मंगलबार राति नै विज्ञप्ती निकालेर उमेर र जिल्ला मात्र कोड गरी धनुषाका २, महोत्तरीका २ र सर्लाहीका १ गरी पाँचजनाको पुष्टि गरिसकेको छ । बिहीबार मन्त्रालयले मंगलबार नै पुष्टि गरेका कोरोना संक्रमित व्यक्तिहरुको जिल्लाको स्थानीय तहको ठेगाना र उमेर खुलाएर पुनः पुष्टि गरेर संख्या बढाएको हो ।