_nblGbJ05m8.jpg)
काठमाडौँ । उपेन्द्र यादव नेतृत्वको जनता समाजवादी पार्टी (जसपा) नेपालबाट अलग भएर गठन भएको अशोक राई नेतृत्वको जनता समाजवादी पार्टी (जसपा)को केन्द्रीय समितिको बैठक बसिरहेको छ ।
समाखुशीको एक पार्टी प्यालेसमा जारी बैठकमा १२१ जना केन्द्रीय सदस्यको उपस्थिति रहेको एक नेताले जानकारी दिए ।
३१ जना केन्द्रीय सदस्य लिएर राईको नेतृत्वमा जसपा दर्ता गरिएकाे थियो । तीसहित १२१ जना केन्द्रीय सदस्य बैठकमा उपस्थित रहेको बताइएको छ ।
जसपा नेपालको महाधिवेशनबाट असन्तुष्ट रहेका नेताहरू पनि अशोक राई नेतृत्वको जसपामा आउन थालेका छन् ।
जसपाको बैठक बिहीबारसम्म जारी रहने छ । बुधबारको बैठकमा पार्टीका अध्यक्ष अशोक राईले राजनीतिक प्रतिवेदन पेस गरेका छन् । सो प्रतिवेदनमाथि छलफल चलिरहेको छ ।
पार्टी विभाजनको औचित्य, संगठन निर्माणलगायतका विषयमा छलफल भइरहेको पार्टी महासचिव इस्तियाक राईले बताए ।
