जनता समाजवादी पार्टी नेपाल (जसपा नेपाल) ले प्रतिनिधिसभा निर्वाचनपछि महोत्तरी क्षेत्र नम्बर–४ मा चुनावी समीक्षा तथा कार्यकर्ता–नेतालाई धन्यवाद कार्यक्रम सम्पन्न गरेको छ।
प्रतिनिधिसभा निर्वाचनमा महोत्तरी क्षेत्र नम्बर–४ बाट जसपा नेपालका उम्मेदवार डा. सुरेन्द्र कुमार यादवको उम्मेदवारीसँग सम्बन्धित विषयमा केन्द्रित हुँदै आयोजित बैठकमा पार्टी र उम्मेदवारका तर्फबाट कहाँ–कहाँ कमजोरी भएका थिए भन्ने विषयमा विस्तृत समीक्षा गरिएको थियो।
समीक्षा बैठकमा बोल्दै मधेश प्रदेशसभा सदस्य सरोज सिंह कुशवाहा ले चुनावी अभियानका क्रममा मत माग्ने शैलीमै कमजोरी भएको बताएका थिए। उनका अनुसार कतिपय स्थानमा पुरुष मतदातासँग मात्र मत मागिएको तर महिला मतदातासँग पर्याप्त रूपमा मत नमागिएका कारण पनि चुनावी परिणाममा असर परेको हुन सक्ने उल्लेख गरे। आगामी स्थानीय तहको निर्वाचनलाई ध्यानमा राख्दै अब सबै मतदातासँग समान रूपमा मत माग्न र अभियान सञ्चालन गर्न कार्यकर्ताहरूलाई उनले निर्देशन दिएका छन्।
कार्यक्रममा उम्मेदवार डा. सुरेन्द्र कुमार यादव, क्षेत्रीय सभापति, नगरपालिका तथा गाउँपालिका सभापति, वडा सभापति तथा पार्टीका कार्यकर्ताहरूको उल्लेखनीय उपस्थिति रहेको थियो। बैठकमा सहभागीहरूले आ–आफ्नो राय, सुझाव तथा अनुभव प्रस्तुत गरेका थिए।
कार्यक्रमको अन्त्यमा डा. यादवले आगामी वर्ष हुने स्थानीय तहको निर्वाचनलाई लक्षित गर्दै अहिलेबाटै संगठन सुदृढीकरण र चुनावी तयारीमा जुट्न सबै नेता तथा कार्यकर्तालाई निर्देशन दिएका
