महाेत्तरी-४मा तीन पूर्वमन्त्रीलाई टक्कर दिँदै एमालेकी निलम अधिकारी

रामगाेपालपुर,। प्रतिनिधिसभा निर्वाचनअन्तर्गत महाेत्तरी क्षेत्र नम्बर ४ को प्रतिस्पर्धा यसपटक निकै रोचक र पेचिलो हुने देखिएको छ । यस क्षेत्रमा ३जना प्रभावशाली पूर्वमन्त्रीहरू चुनावी मैदानमा छन् भने उनीहरूको परम्परागत वर्चस्वलाई चुनौती दिँदै एमालेबाट निलम अधिकारीले कडा टक्कर दिने आँकलन गरिएको छ ।
जनता समाजवादी पार्टी नेपाल (जसपा) का डा सुरेन्द्र कुमार यादव, नेपाली कांग्रेसका महेन्द्र राय यादव र नेकपा (माओवादी केन्द्रका भरत साह जस्ता ‘हेभीवेट’ मानिने पूर्वमन्त्रीहरूसँग एमालेकी नेत्री निलम अधिकारीकाे भिडन्तलाई अर्थपूर्ण रूपमा हेरिएको छ । गत प्रतिनिधि सभाकाे चुनावमा यसै क्षेत्रबाट थाेरै मतले पराजित भएका जसपा नेपालका नेता एवम पूर्व मन्त्री डा सुरेन्द्र कुमार यादव यसपटक भने उच्च मनोबलका साथ मैदानमा छन् । यस क्षेत्रमा ३वटा स्थानिय तह जसपा नेपालले जितेकाले डा सुरेन्द्र कुमार यादवकाे मनाेबल उच्च देखिएकाे छ । अर्काेतिर एमालेकी उमेदवार निलम यादवकाे साथ पूर्व मुख्यमन्त्री सराेज कुमार यादवकाे साथ र यादवकाे आफ्नै क्षेत्र परेकाे र नाँया महिला उमेदवार भएकाेले उहाकाे चर्चा चुलिएको छ । पूर्व मुख्यमन्त्री यदव भन्छन्, तीन पूर्वमन्त्रीका काम जनताले देखिसकेका छन् । यसपटक जनताले परिवर्तन चाहेकाले फराकिलो मतान्तरसहित मेरो पार्टीको उमेदवारकाे जित निश्चित छ ।’
अर्काेतिर बालेनकाे जन लहर र युवाकाे उत्साहकाे कारण मतदातामा अन्योल सिर्जना गर्न सक्छ । मत बाँडिने सम्भावना देखिन्छ, जसको प्रत्यक्ष फाइदा रास्वपालाई पुग्ने विश्लेषण गरिएको छ । अदपी विभिन्न राजनेतिक दलका नेता तथा अगुवाहरुकाे भनाइ अनुसार रास्वपाको प्रभाव हल्ला मात्र भएको दाबी गर्छन् । सांगठनिक हिसाबले यहाँ जसपा नेपाल,नेपाली कांग्रेस र एमाले बलियो देखिएको छ । गत स्थानीय निर्वाचनमा पाँच पालिकामध्ये एकमा एमाले ,एकमा नेपाली कांग्रेस र तीन वटामा जसपानेपालले जित हासिल गरेका छन् ।