कारागार कार्यालय डडेलधुरा, सप्तरी, सुनसरी, रुकुम पश्चिम, कपिलवस्तु, म्याग्दी र धादिङ लगायतका जिल्लाबाट कैदीबन्दी भागेका हुन् ।
काठमाडौँको केन्द्रीय कारागार र ललितपुरको नख्खु कारागारबाट पनि कैदीबन्दी भागेका छन् । डिल्लीबजार कारागारमा आगजनी गरेर भाग्न खोजेका कैदीबन्दीलाई सेनाले नियन्त्रणमा लिएर अड्डासार गरेको छ ।
कारागारबाट फरार भएका मध्ये सप्तरीबाट ४ जना, सुनसरीबाट २ सय २ जना, रुकुम पश्चिमबाट ४३ जना र कपिलवस्तुबाट ५० जनालाई नियन्त्रण लिइएको सैनिक जनसम्पर्क तथा सूचना निर्देशनालयले जनाएको छ । म्याग्दी कारागारबाट भागेका ४ जनालाई सेनाको टोलीले नियन्त्रणमा लिएको छ ।
कारागारबाट फरार भएकाहरू मध्ये कतिपय आफैँ फर्किरहेको विभागका सूचना अधिकारी जोशीले बताए । उनले भने, ‘कतिपय आफैँ फर्किँदै छन्, केहीलाई सुरक्षाकर्मीहरूले नियन्त्रणमा बुझाउँदै छन् ।’
काभ्रेको धुलिखेल कारागारमा कैदीबन्दी र प्रहरीको बिचमा झडप भएको छ । हाल झडप नियन्त्रणमा आएको सेनाले जनाएको छ ।
