ओम प्रकाश यादव
रौतहट, चैत २६ । रौतहटमा लागुऔषध गाँजा र अवैध हतियार सहित एकजना पक्राउ परेका छन्।
कटुवा पेस्तोल, गोली र गाँजासहित जिल्लाको गौर नगरपालिका-४ टिकुलियाका २१ वर्षीय सावन गिरीलाई रौतहट प्रहरीले पक्राउ गरेको छ।
भारतीय सीमासँग जोडिएको ईशनाथ नगरपालिका-१ बन्जरहा झुलुङ्गे पुलबाट कटुवा पेस्तोल १ थान, गोली ४ राउण्ड र १ सय ९ किलो गाँजासहित गिरीलाई पक्राउ गरिएको प्रहरीले जनाएको छ।
विशेष सूचनाको आधारमा जिल्ला प्रहरी कार्यालय रौतहटबाट इन्स्पेक्टर उमाशंकर गुप्ताको कमान्डमा गएको टोलीले सोमबार राति गुप्तालाई पक्राउ गरेको जिल्ला प्रहरी कार्यालय रौतहटले जनाएको छ।
लालबकैया केराघारी हुँदै टाउकोमा गाँजाको बोरा बोकेर भारततर्फ गइरहेको गिरीलाई प्रहरीले हेरेपछि गिरी गाँजा फालेर भागेका थिए। त्यसपछि प्रहरी टोलीले उनलाई लखेटेर नियन्त्रणमा लिएका थिए।
पक्राउ परेका गिरीमाथि लागुऔषध तथा हातहतियार खरखजाना सम्बन्धी मुद्दा दायर गरी जिल्ला अदालत गौरबाट म्याद थमाएर थप अनुसन्धान भइरहेको र घटनामा संलग्न अन्य व्यक्तिको पहिचान तथा खोजतलास गर्ने काम भइरहेको जिल्ला प्रहरी कार्यालय गौरले जनाएको छ।
