जन्ती व्यवस्थापन गर्न सामुदायिक भवन: प्रदेश सांसद यादव

जनकपुरधाम, चैत्र १३ गते। जनता समाजवादी पार्टी नेपालका समाजवादी नेता प्रदेश सांसद रामअशिष यादवले एक समारोहका विच सामुदायिक भवनको समुदघाटन गर्नुभएको छ।
धनुषा निर्वाचन क्षेत्र नं २ को शहिदनगर नगरपालिकाको वडा नं १ बेमरखिखाल गाउँमा नवनिर्मित भवनको मधेश समुदघाटन गर्ने क्रममा बोल्दै प्रदेश सांसद यादवले बिधालयमा जन्ती सहित गैर शैक्षिक क्रियाकलापहरू गरेर पठनपाठन अवरुद्ध हुने कार्यलाई निरुत्साहित गर्न ग्रामीण क्षेत्रमा सामुदायिक भवन अावश्यक रहेको कुरा मा जोड दिनुभयो।
सो अवसरमा विशिष्ट अतिथि जनता समाजवादी पार्टी नेपालका केन्द्रीय सदस्य चन्देश्वर सदा ले मधेशी, दलित जनजाति को अधिकार का लागि संघर्ष गर्ने एक मात्र पार्टी जसपा नेपाल रहेको कुरा बताउनुभएको छ।
सो कार्यक्रममा बोल्दै जसपा जिल्ला उपाध्यक्ष अम्भु प्रसाद साहले शिक्षा सुधार अभियान अन्तर्गत जन्ती सहितका गैर शैक्षिक क्रियाकलापहरू विधालयमा नगरि जन्ती सहितका समाजिक कार्यहरू सामुदायिक भवनमा गर्न उद्देश्यले प्रदेश सांसद रामअशिष यादवको संसदीय कोषबाट ग्रामीण क्षेत्रमा सामुदायिक भवनको निर्माण कार्य निरन्तर रुपमा जारी रहेको कुरा बताउनुभएको छ।
सो कार्यक्रममा जसपा नेपाल शहिदनगर नगरपालिकाका नगर अध्यक्ष दिनेश प्रसाद यादव, वार्ड समिति अध्यक्ष रामबाबु यादव,सुभेश्वर यादव सहित का वक्ता हरुले शुभकामना मन्तव्य व्यक्त गरेका छन्।
प्रदेश सांसद रामअशिष यादवको संसदीय कोषबाट १५ लाख रुपैयाँको लागतमा सामुदायिक भवन को निर्माण गरिएको कुरा बताइएको छ।