साेनमा गाउँपालिकाले सोमबार एक कार्यक्रमगरी गाउँपालिकाभरीका जनताहरूलाई सन् २०३० सम्ममा क्षयरोग (टीबी) अन्त्यका लागि तत्काल ‘निर्णायक कदम’ चाल्न आह्वान गरेको छ ।
साेनमा गाउँपालिकाका स्वास्थ्यकर्मीहरुले विश्व टीबी दिवसको अवसरमा पत्रकार समेलनगरी यस्तो आह्वान गरेको हो । सन् २०२३ मा अनुमानित १९ लाख व्यक्तिमा क्षयरोगको नयाँ सङ्क्रमितहरूको दर्ता भएकोमा ९५ हजारको मृत्यु भएको तथा परिवार र समुदायमा रोगको प्रभाव बढ्दै गएको साेनमा गाउँपालिकामा आयोजना गरेकाे स्वास्थ्यकर्मीहरुले बताएको छ । जोखिममा रहेका व्यक्तिले समयमै रोगको निदान सुनिश्चित गर्दै आफ्ना प्रतिबद्धतालाई निर्णायक कार्यमा परिणत गर्नुपर्ने अवस्था आएको बताए ।
स्वास्थ्यकर्मी ललित कुमार यादवका अनुसार, क्षयरोग ब्याक्टेरियाद्वारा हुने एउटा सङ्क्रामक रोग हो जसले फोक्सोमा असर गर्छ । क्षयरोगीले खोक्दा, हाच्छिउँ गर्दा वा थुक्दा हावामा यसका किटाणु फैलिने र हावाकै माध्यमबाट अन्य मानिसमा सर्ने गर्छ । यसलाई विशिष्ट एन्टिबायोटिकले निको पार्न सकिने भएपनि अझै सङ्क्रमणबाट धेरै मानिसहरूले ज्यान गुमाइरहेका छन् ।
