इस्लामवाद । बङ्गलादेशको उच्च अदालतले बिहीबार इस्कोन अर्थात् अन्तर्राष्ट्रिय कृष्ण भावनामृत सङ्घको गतिविधिमा प्रतिबन्ध लगाउने आदेश पारित गर्न अस्वीकार गरेको छ । इस्कोनमाथि प्रतिबन्ध लगाउने मागसहित परेको याचिकाको सुनवाइको क्रममा सरकारी अधिकारीले आवश्यक कदम उठाइरहेको महान्यायाधिवक्ता कार्यालयले भनेको छ ।
यो मामिलालाई सरकारले हेर्ने पनि सुनवाइमा भनिएको छ । इस्कोनसँग जोडिएको मामिला बङ्गलादेशको सर्वोच्च प्राथमिकतामा भएको पनि बताइएको छ । चिन्मय दास पक्राउ परेपछि कानुनी व्यवस्था बिगार्ने विरुद्ध कठोर कदम चाल्ने पनि सरकारले बताएको छ । इस्कोनमाथि प्रतिबन्ध लगाउने यो नै सही समय भएको भन्दै याचिकामा भनिएको थियो ।
तर उच्च अदालतले चाँहि सरकारले यसबारे के निर्णय लिन्छ हेरौँ भनेको छ । हिन्दु भिक्षु चिन्मय कृष्ण दास प्रभुमाथि देशद्रोहीको आरोप लागेपछि हिन्दु समुदायमाथि बङ्गलादेशमा व्यापक आक्रमण भइरहेको छ ।
