विकेट किपर एवं ब्याटर अनिल साह नेपाल प्रिमियर लिग (एनपीएल) अक्सनमा सबै ८ फ्रेन्चाइज टोलीले बोली लगाउने एक्लो खेलाडी बनेका छन् ।
पहिलो संस्करणको एनपिएल क्रिकेटको अक्सनमा अनिललाई १५ लाख रुपैयाँमा जनकपुर बोल्ट्सले पाएको छ ।
नेपाल क्रिकेट सङ्घ (क्यान)द्वारा आज आयोजित अक्सनमा अनिलले न्यूनतम १० लाख रुपैयाँ राखेका थिए । उनलाई किन्न अक्सनमा सबै आठ टोलीले प्रतिस्पर्धा गरेका थिए । जसमा अनिललाई ‘लक्की ड्र’मार्फत जनकपुरले पाएको हो ।
आठ टोलीले नै मूल्य लगाउने अनिल एक्लो खेलाडी हुन् । जनकपुरमा आसिफ शेख मार्की खेलाडीका रूपमा रहेका छन् ।
