२३ साउन, जनकपुरधाम । भारतबाट ल्याउँदै गरेको ११ किलो अवैध चाँदीसहित धनुषामा एक व्यक्ति पक्राउ परेका छन् ।
सशस्त्र प्रहरी बल धनुषाको गस्ती टोलीले भारत बिहार मधुवनी जिल्ला हरियानाका ४० वर्षीय सुरेन्द्र मण्डललाई पक्राउ गरेको हो ।
भारतबाट आउँदै गरेका उनलाई ११ किलो १२.५ ग्राम चाँदीसहित धनुषाको विदेह नगरपालिका ९ ईटहवाबाट पक्राउ गरेको सशस्त्र प्रहरी बल धनुषाका प्रमुख प्रहरी उपरीक्षक (एसपी) दर्शन गिरीले जानकारी दिए ।
एसपी गिरीका अनुसार बरामद चाँदी १६ लाख २३ हजार ९२८ मूल्य बराबरको रहेको छ ।
