धर्मेन्द्र कुमार यादव-महोत्तरी,
यादव समुदायको गोपाल सेवा समितिमाथी एकलौटी सासन गरिरहेको तथ्य बाहिर आएको छ। मध्यरातिमा केही व्यक्तीद्वारा अवैधानिक रुपमा कमिटी घोषणा गरी कब्जा गरेको आरोप लागेको छ ।
नेपालमा रहेका सम्पुर्ण यादव समुदायका संगठन रहेको छ तर एकलौटी रुपमा आफ्ना केही नातेदार र आसेपासेहरु लाई कार्यक्रममा बोलाइ समितीगठन गरेका छन। नेतृत्व चयनका लागि राति संभव नभएको भन्दै पूर्व अध्यक्ष, संस्थापक, केन्द्रीय समितिका पदाधिकारी, आजीवन सदस्यहरु बन्द सत्रबाट निस्किएको ३ घण्टापछि राति २ बजे गोप्यरुपमा १९ जनाले आफूमा पद बाँडफाँड गरी केन्द्रीय समिति सर्वसम्मतबाट चयन भएको घोषणा गरिएको थियो। समितिको नवौं महाधिवेशनको बन्द सत्रले विधानलाई संशोधन गरी ७ जना उपाध्यक्ष २ जना सहकोषाध्यक्ष समेत २९ सदस्यीय केन्द्रीय समिति रहने प्रावधान गरिएको विधान संशोधन समितिका संयोजक रामनारायण यादव ‘शीतल’ले जनाए । महाधिवेशन उद्घाटन अगावै पुरानो विधान १४ को उपधारा २ अनुसार नै कमिटी गठन गरी मध्यराति सार्वजनिक गरेको आरोप बारा जिल्लाका अध्यक्ष जंगबहादुर यादवले लगाएका छन् । ‘महाधिवेशनमा उपस्थित नै नरहेका व्यक्तिहरुको नाम समेत केन्द्रीय समितिमा देखिएको छ’उनले भने, यादव समुदायको विकास र उत्थानका लागि गठन गरिएको संस्थालाई केही मानिसहरुले कब्जा गरेका छन् । देशभरिका यादव समुदायलाई एक्यवद्ध गरेर जातीय उत्थानमा लाग्न असफल भएका, ३ वर्षको कार्यकाललाई ७ वर्ष सम्म लम्बयाएका र चरम आर्थिक अनियमितता भएको आरोप समितिका पूर्व पदाधिकारीहरुले लगाएका छन् । कार्य समिति २१ सदस्य भएको उल्लेख रहे पनि सह– कोषाध्यक्ष र एकजना केन्द्रीय सदस्यको पद रिक्त रहेको छ ।
