महोत्तरीमा मोटरसाइकल दुर्घटना एक जनाको मृत्यु

गोपाल झा
महोत्तरी ,१२ चैत्
महोत्तरीको पिपडामा मोटरसाईकल दुर्घटनामा एकजनाको मृत्यु भएको छ । जलेश्वर-जनकपुर सडकखण्डस्थित चाँदनी चोकनजिकै मोटरसाइकल दुर्घटना हुँदा एक जना पुरुषको मृत्यु भएको छ । मृत्यु हुनेमा जनकपुर उपमहानगरपालिका-२१ कुर्थाका ४५ वर्षीय उपेन्द्र महासेठ रहेको जिल्ला प्रहरी कार्यालय महोत्तरीका प्रहरी नायब उपरीक्षक प्रकाश विष्टले जानकारी गराएका हुन् । प्र-२-०२-००३ प ७८७५ नंको मोटरसाइकलमा चढेर जनकपुरबाट जलेश्वर तर्फ जाँदै गरेको अवस्थामा तीव्रगतिका कारण मोटरसाईकल आफैँ अनियन्त्रित भई पिपरा गाउँपालिका-५ चाँदनी चोकनजिकै दुर्घटना हुँदा महासेठको मृत्यु भएको जनाईएको छ । सडक भन्दा करीब दश फिट तल खसेर दुर्घटना हुँदा गम्भीर घाइते भएका उपेन्द्रको उपचारका क्रममा जनकपुरस्थित प्रादेशिक अस्पतालमा मृत्यु भएको प्रहरीले जनाएको छ । मृत्यु भएको, शव पोष्ट मार्टम पश्चात निजको आफन्तले बुझि लगेको र मोटरसाईकल प्रहरीको नियन्त्रणमा राखी घटना सम्बन्धमा थप अनुसन्धान भई रहेको जिल्ला प्रहरी कार्यालय महोत्तरीले जनाएको छ ।