महोत्तरीकाे सम्सि गाउँपालिकामा लागु औषध सहित दुइ जना पक्राउ

भदौ २१ ,महोत्तरी
रञ्जन भण्डारी
महोत्तरीकाे सम्सि गाउँपालिकामा लागु औषध सहित शसस्त्र प्रहरीले दुईजनालाई नियन्त्रणमा लिएको छ । चेकजाचको क्रममा मोटरसाईकलमा सवार दुईजनाले अगरबत्ती भित्र लुकाएर ल्याउदै गरेको भारी परिमाणको लागु औषध सहित उनीहरुलाई पक्राउ गरेको हो ।
शसस्त्र प्रहरीले सम्सी गाउपालिका ७ चाँदनी चोकमा प्रदेश नं. ०२ ०२२ प ३४७२ नं. को पल्सर मोटरसाईकलमा सवार गोर्खा जिल्ला बुढीगण्डकी गाउपालिका २ निवासी २३ वर्षिय अजय परियार र नुवाकोट जिल्ला विदुर नगरपालिका ७ वस्ने ३० वर्षिय संजय भटटलाई कालो झोलामा अगरबत्ती भित्र लागु औषध लुकाएर ल्याउदै गरेको अवस्थामा पक्राउ गरिएको शसस्त्र प्रहरी बल नेपाल नं. ९ गणका गणपति शसस्त्र प्रहरी उपरिक्षक सुरेश सापकोटाले वताए ।
उनीहरुको साथबाट नाईट्राभेट ट्यावलेट २३७० थान(१५८पत्ता),प्रामेफाजीन हाईड्रोक्लोराईड ईन्जेक्सन १२१ थन,ओफिन ईन्जेक्सन ११८ थान,डाईजेल्याव ईन्जेक्सन १७१ थान,डाईजेपाम ईन्जेक्सन ४६ थान उनीहरुसंग फेला पारेको हो । पक्राउ परेका दुवैजनालाई आवश्यक कार्यवाहीको लागि प्रहरीलाई जिम्मा लगाइएको छ ।tta