उपप्रधान तथा परराष्ट्र मन्त्री रघुबीर महासेठलाई महेन्द्रनगरमा स्वागत

राजेश महतो
उपप्रधान तथा परराष्ट्र मन्त्री रघुबीर महासेठलाई आज महेन्द्रनगरमा स्वागत गरिएको छ । परराष्ट्रमन्त्री भएपछि पहिलो पटक गृह जिल्लाा आउनु भएका मन्त्री महासेठ सहित पुर्व मन्त्री तथा उहाँको श्रीमती जुली महतोलाई महेन्द्र नगरमा एमालेका स्थानीय नेता कार्यकर्ताहरुले स्वागत गरेका छन् । आफुलाई धनुषा निर्वाचन क्षेत्र नं. ४ बाट निर्वाचित गराएपछि आफु दुई पटक मन्त्री बन्नुमा यस क्षेत्रका नागरिककै सहयोग रहेका बताउनु भयो । आफु जहिले पनि विकासको लागि काम गरेको बताउदै मन्त्री महासेठले विकास निर्माणको लागि जनतालाई सतर्क रहन समेत आग्रह गर्नुभयो । जनकपुरजाने क्रममा उहाँलाई महेन्द्रनगर थाना चोकमा नेता कार्यकर्ताले स्वागत गरेका थिए । सो अवसरमा नेकपा एमालेका युवा नेता संजय कुमार साह, कमल चौधरी, अनिल चौधरी,राजकिशोर महरा, राजु गुप्ता, महेन्द्र यादव, ललित साह लगायतका नेता कार्यकर्ताहरुको सहभागिता रहेको थियो