पश्चिम नवलपरासीमा एक सय चार जनामा कोरोना संक्रमण पुष्टी, ६५ जना निको भए

उर्मिला यादव यात्री
जेठ ७
पश्चिम नवलपरासीमा शुक्रबार एक सय चार जनामा कोरोना संक्रमण पुष्टी भएको छ । पीसीआर परीक्षणबाट ९७ र एन्टिजेनबाट ७ जना गरी एक सय चार जनामा कोरोना संक्रमणको पुष्टि भएको हो । यो संगै जिल्लामा कुल संक्रमितको संख्या तीन हजार, चार सय ९९ पुगेको छ । आज शुक्रबार सबै भन्दा बढी रामग्राम नगरपालिकामा २२ जना महिला र ३७ जना पुरुष गरी ५९ जनामा संक्रमण पुष्टि भएको छ । त्यस्तै गरी बर्दघाट नगरपालिकामा १२ जना, सुनवल नगरपालिकामा १६ जना, सरावल गाउपालिकामा ३ जना, प्रतापपुर गाउपालिकामा २ जना र सुस्ता गाउपालिकामा १२ जनामा संक्रमण पुष्टि भएको छ भने पाल्हिनन्दन गाउपालिकामा शुक्रबार कोरोना संक्रमितको संख्या शुन्य रहेको जिल्ला स्वास्थ्य कार्यालय पश्चिम नवलपरासीले जनाएको छ । यस्तैगरी शुक्रबार कोरोनाबाट ६५ जना निको भएका छन भने जिल्लामा कुल १हजार नौ सय ३० जना कोरोना संक्रमित निको भएका छन । यस्तै गरी जिल्लामा सक्रिय संक्रमितको संख्या १ हजार चार सय ५८ रहेको छ । शुक्रबार कोरोना संक्रमणबाट जिल्लामा २ जनाको ज्यान गएको छ । ज्यान जानेमा बर्दघाट नगरपालिका वडा नम्बर १३ गनपति इटटा उद्योगमा कार्यरत ५२ बर्षिय चिनीया नागरिक रहेको एक जना पुरुषको सोही उद्योगमा र सरावल गाउपालिका वडा नम्बर ४ का ६२ बर्षिय पुरुषको होम आइसोलेसन मृत्यु भएको छ । यो संगै जिल्लामा मृत्यु हुनेको संख्या एक सय एघार पुगेको छ ।