राजद्रोहको मुद्दामा मधेशवाणी साप्ताहिक पत्रिकाका सम्पादक राजेश अहिराजलाई सर्वोच्च अदालतले सफाई दिएको छ । न्यायाधिशद्वय प्रेम शर्मा र प्रा।डा।भरत बहादुर कार्कीको संयुक्त इजलाशले मंगलबार सफाई दिने फैसला गरेका छन् । विशेष अदालतले सम्पादक अहिराजलाई रु। ५ सय जरिवाना गरेको थियो । उक्त फैसला कानुन सम्मत नदेखिएको भन्दै सर्वोच्चले सम्पादक अहिराजलाई सफाई दिएको हो । मधेशवाणाी साप्ताहिकको मिति २०६७ असोज १ गते शुक्रबारको पत्रिकामा जनतान्त्रिक तराई मुक्ति मोर्चाको सैन्य भर्ना सम्बन्धि सूचना प्रकाशन गरे वापत सम्पादक अहिराजलाई प्रहरीले पक्राउ गरी राजद्रोह मुद्दा विशेष अदालतमा दर्ता गरेको थियो । विशेष अदालतले सम्पादक अहिराजलाई दोषी ठहर गर्दै रु। ५ सय जरिवाना गरेको थियो । त्यस विरुद्ध सम्पादक अहिराजले सर्वोच्च अदालतमा पुनरावेदन गरेका थिए । ुपत्रिकामा प्रकाशित सूचनाले सावभौमसत्ता राष्ट्रिय अखण्डतामा आँच नपुगेको राज्य विरुद्धको अपराध गरेको नदेखिएको र सर्वसाधारणलाई सू-सूचित गर्ने मनसायले सूचना प्रकाशन गरेको देखिएकोले सर्वोच्च अदालतले राज्यद्रोहको अभियोगबाट सफाई दिएको छ ।ू राज्यद्रोहको अभियोगमा अहिराजलाई प्रहरीले २०६७ असोज १ गते पक्राउ गरेको थियो । त्यस क्रममा सात दिन सम्म प्रहरी हिरासतमा राखेका थिए ।
२०६८ भदौ १३ गते मगंलबार सर्वोच्च अदालतमा सुनुवाई हुँदा अधिवक्ताहरु सुनिलरंजन िसंह दिपेन्द्र झा हरि फँूयाल गोविन्द बन्दी सतिषकृष्ण खरेल र माधव गौतमले बहस गरेका थिए ।
