२८ माघ, रामगाेेपालपुुर
जनता समाजवादी पार्टीका नेता एवम प्रदेश २का अान्तरीक तथा कानुन राज्य मन्त्री सराेज सिंह कुशवाहाले शान्तिपूर्ण आवाज नसुनिए जनता कुनै पनि बेला विद्रोहमा उत्रन सक्ने बताएका छन् ।
प्रतिनिधिसभा विघटनको विरोधमा साँझ महाेतरी क्षेत्र नम्बर ४ काे सम्सि गाउँपालिकामा निकालिएकाे मशाल जुलुसकाे सम्बाेधन गरिदै बताएका छन । बुधबार महाेतरीकाे सम्सि गाउँपालिकामा आयोजना गरेको मशाल जुलुसपछी मन्त्री कुश्वाहाले भने, ‘यदि जनताको आवाज सुनिँदैन भने आज यहाँ भइरहेको शान्तिपूर्ण आन्दोलन कुन दिन जनता विद्रोहमा उत्रने छ त्यसकाे कुनै ठिकान छैन ।
संघीयता लागू गर्न नदिने र संविधानलाई बर्वाद पार्न खोजिएको भन्दै मन्त्री कुश्वाहाले जनताको विद्रोहले संघीयता र गणतन्त्र विरोधीहरुलाई समाप्त पार्ने समेत बताए ।
ओलीमा असीमित अधिकार भएका कारण आजको अवस्था आएको भन्दै उनले भने, ‘केपी ओली तयार हुनुको ग्राउण्ड कुन हो ? त्यसको समीक्षा हुनुपर्छ ।’ समीक्षा नगर्ने हो भने फेरि महेन्द्र र केपी ओलीहरु जन्मिन सक्ने मन्त्रीले बताएका छन् ।
