पिछडावर्ग ओबिसी महासभाको महाधिवेशनको तयारी पुरा

जनकपुर
पिछडावर्ग ओबिसी महासभाले यही माघ १० देखि १२ गतेसम्म प्रदेश २ को अस्थायी राजधानी जनकपुरधाममा हुने राष्ट्रिय महाधिवेशनको सम्पूर्ण तयारी पुरा गरेको छ । महाधिवेशनले पहिचान, अधिकार र सम्मानको लागि नागरिकतालगायतका एजेण्डा तय गर्ने जानकारी दिँदै राष्ट्रिय अध्यक्ष रामकुमार महतोले पिछडावर्गले उठाउँदै आएको मागहरुलाई महाधिवेशनबाट थप उर्जा पुग्ने बताएका छन् ।
अध्यक्ष महतोले जनकपुरधामस्थित पिछडार्गको केन्द्रिय कार्यालयमा महाधिवेशन तयारी सम्बनधमा जानकारी दिँदै जनकपुरधाम उघोग बाणिज्य संघमा माघ १० गते खुला सभा (उदघाटन), ११ गते निर्वाचनका कार्यक्रम र १२ गते सामेबार महाधिवेशन समापन घोषणा तथा पत्रकार सम्मेलनको कार्यक्रम रहेको जानकारी गराए ।
महाधिवेशनले हिजोको कामको समिक्षा गर्दै पिछडावर्ग अन्तर्गत पर्ने ३४ वटा जातिको भाषा, संस्कृति, संरक्षण, सम्बद्र्धन, प्रबद्र्धन तथा आरक्षणसहित सबै किसिमको विकासको एजेन्डा तय गर्ने छ । महाधिवेशनमा पूर्वमेचीदेखि मधेशको २१ जिल्लाबाट २ सय ५५ जना महाधिवेशन प्रतिनिधि सहभागि हुनेछ र पर्येवक्षक आमाणत्रित गरि लगभग ५ सय जनाको उपस्थिति रहने अध्यक्ष महतोले बताए ।
महाधिवेशन प्रतिनिधिहरुका लागि बासस्थान तथा खानपानलगायत सम्पूर्ण बन्दोबस्त भइसकेको जानकारी दिँदै अध्यक्ष महतोले महाधिवेशनमा अथितिको रुपमा निम्त्याउन छुटेका र पिछडावर्गमा पर्ने जातजातिलाई कार्यक्रममा उपस्थिति भइदिन आग्रह गरेका छन् ।