जनकपुरधाम ।
धनुषाको कमला नगरपालिका वडा नं. ५ भलुवाहामा जनता आवास कार्यक्रम अन्तर्गत शनिवार दलित ( मुसहर ) हरुको लागि आवास बनाउने प्रदेश सरकार संग सम्झौता सम्पन्न भएको छ ।
प्रदेश सांसद एवं प्रदेश सरकारका मुख्य सचेतक माननिय शैलेन्द्र कुमार यादवको विशेष सक्रियतामा आज सम्पन्न भएको सम्झौतामा दलित समुदायको लागि भलुवाहामा कुल ५७ वटा घर निर्माण हुने छ ।
मुख्य सचेतक यादवकै निर्वाचन क्षेत्रमा रहेको भलुवाहामा निर्माण हुन लागेको दलितहरुको घर असाढ मसान्त भित्र नै सम्पन्न हुने जनाइएको छ ।
मुख्य सचेतक यादवले दिएको जानकारी अनुसार एउटा घर निर्माणका लागि प्रदेश सरकारले साढे ३ लाख रकम विनियोजन गरेकोे छ ।
