जनकपुरधाम, चैत ९ गते ।
जनकपुरमा मास्क र सेनिटाइजर कालोबजारी गर्ने ४ जना पक्राउ परेका छन् । पक्राउ पर्नेमा जनकपुरधाम उपमहानगरपालिका–४ स्थित सुस्मिता मेडिकलबाट सर्लाहीको बरहथवा नगरपालिका–८ वस्ने संजय साह र सम्पूर्ण मेडिकलबाट अर्का स्थानीय संजय साहलाई माक्स कालोबजारी गरिरहेको अवस्थामा पक्राउ गरिएको हो ।
जिल्ला प्रहरी कार्यालय र जिल्ला प्रशासन कार्यालय धनुषाबाट अनुगमनकालागि संयुक्त रुपमा खटिएको टोलीले उनीहरुलाई पक्राउ गरेको धनुषाका प्रहरी नायव उपरिक्षक रामेश्वर कार्कीले जानकारी दिए ।
यस्तै सेनिटाइजर कालोबजारी गरिरहेकै अवस्थमा भमरपुरा चोक स्थित अटल फार्मेसीबाट लक्ष्मीनिया गाउँपालिका–३ वस्ने अनिल यादव र महोत्तरीको जलेश्वर नगरपालिका–६ बस्ने प्रभन्स चौधरीलाई पक्राउ गरिएको उनले बताए ।
उनका अनुसार पक्राउ परेका चारै जनालाई जिल्ला प्रहरी कार्यालय धनुषामा राखेर थप अनुसन्धान भइरहेको छ । टुडेपाटी
