धनुषाको जटही र खजुरी बाहेक सबै नाका सिल गरियाे

जनकपुरधाम, चैत ९ गते ।
भारतको विहार राज्यबाट कोरोणा संक्रमण फैलिन सक्ने भन्दै धनुषाको जिल्ला प्रशासन कार्यालय धनुषाले जिल्लाको मुख्य जटही र खजुरी नाकाबाहेक सबै नाका सिल गर्ने निर्णय गरेको छ।
शनिबार बसेको जिल्ला सुरक्षा समितिको बैठकले जनकपुरको मुजेलियास्थ्ति मणिपाल मेडिकल कलेजको प्रयोगविहीन भवनमा ६० देखि ७० बेडको कोरेन्टाइन भवन बनाउने निर्णय गरेको छ। धनुषाका प्रमुख जिल्ला अधिकारी कोषहरि निरौलाका अनुसार ७० देखि ८० घण्टाको अवधिमा कोरेन्टाइन भवन बनाउन तयारी थालिएको छ।
यस्तै अति आवश्यकबाहेक सरकारी सेवा बन्द गरिने, कार्यालय खोल्ने तर सेवा प्रवाह नगरिने निर्णयसमेत भएको प्रजिअ निरौलाले बताए।