महोत्तरीबाट अबैध नोटको कारोबारी गर्ने दुई जना भारतीय नागरिक पक्राउ

गोपाल झा
महोत्तरी, ७ पुष
महोत्तरीबाट अबैध नोटको कारोबारी गर्ने दुई जना भारतीय नागरिकलाई महोत्तरी प्रहरी पक्राउ गरेका छन्
बिहिबार राती महोत्तरीको मटिहानी-जनकपुर सडखण्डमा नक्कली नोटसहित प्रहरीले एक भारतीय नागरिकलाई पक्राउ गरेको छ ।
बिहीबार राति भारतको मधवापुर सहरबाट बिआर ३० ए २४०३ नं को भारतीय प्लेटको मोटरसाइकलमा जाली नोट बोकी नेपाल छिरेका भारतीय नागरीक नुरुल होदा जनकपुर जाँदै गर्दा मटिहानी नपा-३ धिरापुरचोकमा रहेको बिकाश आयल स्टोर्स नजिक नियमित जाँचका लागि खटिएको प्रहरीे टोलीले नक्कली नोट सहित होदालाई पक्राउ गरेको जिल्ला प्रहरी कार्यालय महोत्तरीका प्रहरी प्रबक्ता डिएसपी प्रकाश बिष्ट जानकारी गराएका हुन् ।
पक्राउ पर्नेमा भारतको बिहार राज्यको सीतामढी जिल्लाको ग्रामपञ्चायत देआराबारी बस्ने ४० वर्षीय नुरुल होदा रहेको प्रहरी प्रबक्ता बिष्ट जनाएका हुन् ।
पक्राउ परेका नुरुलका साथबाट प्रहरीले नेपाली १ हजारका दरको उउटै सिरियल नम्बर भएको जाली नोट २ थान बरामद गरेको छ । नियन्त्रणमा लिएका होदालाई जिल्ला अदालत महोत्तरीबाट मुद्रा समबन्धि कसुर खोटा चलन मुद्दामा पाँचदिनको मयाद थपगरी जिल्ला प्रहरी कार्यालय महोत्तरीबाट थप अनुसनधान भई रहेको छ ।
त्यस्तै शुक्रबार प्रहरी चौकी भिट्ठामोडबाट खटिएको प्रहरीले विशेष सुचनाको आधारमा एक भारतीय नागरिकलाई २ लाख ४० हजार भारतीय नोट सहित नियन्त्रणमा लिईएको छ । प्रहरीले भारत सितामढी जिल्ला घर भएका ३९ बर्षिय उदयकुमार साहलाई भारतबाट नेपाल तर्फ आउादै गरेको अबस्थामा साहले बोकेको कालो रंगको झोलामा लुकाई राखेको सो रकम बरामद गरेको छ महोत्तरी प्रहरीले जनाएको छ । सोही क्रममा एचडीएफसी बैंक नामको ४ थान चेकसमेत प्रहरीले नियन्त्रणमा लिएको जिल्ला प्रहरी कार्यालय महोत्तरीले जनाएको छ । वरामद भएको नोट र चेकलाई आवश्यक कारवाहीको लागि राजश्व अनुसन्धान कार्यालय पथलैया बारा पठाउने तयारी भईरहेको जिल्ला प्रहरी कार्यालय महोत्तरीले जनाएको छ ।