जनकपुरकाे एक हस्पिटलमा गलत सुई लगाउँदा डिस्चार्ज हुन लागेका बच्चाको मृत्यु

जनकपुरमा अस्पतालको लापरवाहीले फेरी एक बच्चाको ज्यान गएको छ । रामानन्दचोकमा सञ्चालित श्रीराम हस्पिटलमा गलत सुई लगाउँदा डेढ महिने शिशुको मृत्यु भएको हो ।
डिस्चार्जको तयारीमा रहेका मिथिला विहारी नगरपालिका ७ का उसमान खातुनका डेढ महिने छोराको मृत्यु भएको मृतक परिवारले आरोप लगाएको छ । डाक्टरले गतल सुई लगाएकै कारण छोराको मृत्यू भएको उसमानले बताएकी छिन् ।
‘डाक्टरले आज डिस्चार्ज गर्छु भनेका थिए । तर अन्तिममा गलत सुई लगाइदिए । केहि बेरमै मेरो छोरोले दम तोडे । दोषी ।’ बिलौना गर्दै शिशुकी आमा उमानले भनिन् । उनले दोषी डाक्टरमाथि कारबाहीको माग गरेकी छन् ।
शिशुको मृत्यूपछि अस्पतालमा तोडफोडको प्रयास भएपछि ठूलो संख्यामा सुरक्षाकर्मी परिचालन गरिएको छ ।
अस्पताल पक्षले भने शिशुको मृत्यु हस्पिटलको लापरवाहीले नभएको दावी गरेको छ । अस्पतालका इन्चार्ज अमित कुमारले उपचारमा कुनै लापरबाही नभएको दावी गर्दै बच्चालाई आमाले दुध खुवाएको कारण श्वास नलीमा अड्किएर मृत्यु भएको दावी गरे । उनले छानविनपछि अस्प्ताल पक्षको लापरवाही भए कारबाही भोग्न तयार रहेको प्रतिक्रिया दिए ।